ಮುಖ್ಯ ಪುಟ 
ಮನರಂಜನೆ » ಸ್ಯಾಂಡಲ್ ವುಡ್ » ಸುದ್ದಿ/ಗಾಸಿಪ್ » ತಾರಾ-ಸುಧಾರಾಣಿ ನೆನಪುಗಳ ಮಾತು ಮಧುರಾ... (Tara | Sudha Rani | Vemagal Jagannath | Kannada Movies)
ಮನರಂಜನೆ » ಸ್ಯಾಂಡಲ್ ವುಡ್ » ಸುದ್ದಿ/ಗಾಸಿಪ್ » ತಾರಾ-ಸುಧಾರಾಣಿ ನೆನಪುಗಳ ಮಾತು ಮಧುರಾ... (Tara | Sudha Rani | Vemagal Jagannath | Kannada Movies) 
 |
Event EVENT |
ಕ್ಷಣ ಕ್ಷಣದ ತಾಜಾ ಸುದ್ದಿ, ವಿಶೇಷ ವರದಿ-ಲೇಖನಗಳಿಗಾಗಿ ನಿಮ್ಮ ವೆಬ್‌ದುನಿಯಾಕ್ಕೆ ಭೇಟಿ ಕೊಡಿ
ವೇಮಗಲ್ ಜಗನ್ನಾಥ್ ನಿರ್ದೇಶನದ 'ತುಳಸೀದಳ' ಚಿತ್ರದಲ್ಲಿನ ಚಿಕ್ಕ ಪಾತ್ರವೊಂದರ ಮ‌ೂಲಕ ಚಿತ್ರರಂಗಕ್ಕೆ ಪಾದಾರ್ಪಣೆ ಮಾಡಿದ ತಾರಾರವರು ನಂತರ ಹಲವು ಹನ್ನೊಂದು ಪಾತ್ರಗಳನ್ನು ತಮ್ಮ ತೆಕ್ಕೆಗೆ ತೆಗೆದುಕೊಂಡು ಉದ್ಯಮದಲ್ಲಿ ಬೆಳೆದ ರೀತಿ ಬೆರಗು ಹುಟ್ಟಿಸುವಂಥಾದ್ದು.
ರಾಜ್‌ಕುಮಾರ್‌ರವರ ತಂಗಿಯಾಗಿ 'ಗುರಿ' ಚಿತ್ರದಲ್ಲಿ, ವಿಷ್ಣುವರ್ಧನ್‌ರವರ ಜೊತೆಯಲ್ಲಿ 'ಡಾಕ್ಟರ್ ಕೃಷ್ಣ' ಚಿತ್ರದಲ್ಲಿ ನಟಿಸಿದ್ದು ಅವರ ವೃತ್ತಿಜೀವನದ ಪ್ರಮುಖ ಅವಕಾಶಗಳಾದರೆ, ರಾಷ್ಟ್ರಪ್ರಶಸ್ತಿ ವಿಜೇತ 'ಹಸೀನಾ' ಚಿತ್ರದಲ್ಲಿ ಅಭಿನಯಿಸಿದ್ದು ಮತ್ತೊಂದು ಮಜಲು. ಇವುಗಳ ನಡುವೆ ಸರಿಸುಮಾರಾಗಿ ಕನ್ನಡದ ಎಲ್ಲ ನಾಯಕರೊಂದಿಗೂ ಅವರು ಅಭಿನಯಿಸಿದರು ಎನ್ನಬಹುದು.
ಇನ್ನು ಸುಧಾರಾಣಿಯವರು ಚಿತ್ರವೊಂದರಲ್ಲಿ ಬಾಲನಟಿಯಾಗಿ ಕಾಣಿಸಿಕೊಂಡಿದ್ದರಾದರೂ, ರಾಜ್‌ ಸಂಸ್ಥೆಯಿಂದ ನಿರ್ಮಾಣಗೊಂಡ 'ಆನಂದ್‌' ಚಿತ್ರದಲ್ಲಿ ನಾಯಕಿಯಾಗಿ ಅಭಿನಯ ವೃತ್ತಿಗೆ ದೊಡ್ಡ ಮಟ್ಟದಲ್ಲಿ ಪಾದಾರ್ಪಣೆ ಮಾಡಿದರು. ಆಗ ಅವರಿಗಿನ್ನೂ 13 ವರ್ಷ. ಅದು ಯಶಸ್ವಿಯಾಗಿದ್ದೇ ತಡ 'ಮನ ಮೆಚ್ಚಿದ ಹುಡುಗಿ', 'ರಣರಂಗ', 'ಸಮರ', 'ಸ್ವಾತಿ', 'ಅವನೇ ನನ್ನ ಗಂಡ', 'ಪಂಚಮವೇದ', 'ಅರಗಿಣಿ', 'ಮೈಸೂರು ಮಲ್ಲಿಗೆ', 'ಮನೆದೇವ್ರು' ಮೊದಲಾದ ಚಿತ್ರಗಳಲ್ಲಿ ಅಭಿನಯಿಸುವ ಮ‌ೂಲಕ ಸಾಲುಸಾಲು ಹಿಟ್‌ ಚಿತ್ರಗಳನ್ನು ನೀಡಿದ ಕೀರ್ತಿಯನ್ನು ತಮ್ಮ ದಾಖಲೆಗೆ ಸೇರಿಸಿಕೊಂಡರು. ರಾಜ್‌ ಅಭಿನಯದ 'ದೇವತಾ ಮನುಷ್ಯ' ಹಾಗೂ 'ಜೀವನಚೈತ್ರ' ಚಿತ್ರಗಳಲ್ಲಿ ನಟಿಸಿದ್ದು ಇವರ ವೃತ್ತಿಜೀವನದ ಪ್ರಮುಖ ಮಜಲುಗಳು ಎನ್ನಬಹುದು.
ಈ ಇಬ್ಬರೂ ಈಗ ವಿವಾಹಿತರು. ತಾರಾರವರು ಈಗ ಹಾಸ್ಯಪಾತ್ರಗಳಿಗೂ ತಮ್ಮನ್ನು ಒಗ್ಗಿಸಿಕೊಂಡಿದ್ದರೆ, ಸುಧಾರಾಣಿಯವರು ಆಯ್ದ ಪಾತ್ರಗಳಲ್ಲಷ್ಟೇ ಕಾಣಿಸಿಕೊಳ್ಳುತ್ತಿದ್ದಾರೆ. ಆದರೆ ಚಿತ್ರರಸಿಕರಿಗೆ ಮನರಂಜನೆಯನ್ನು ಒದಗಿಸುವಲ್ಲಿ ಈ ಇಬ್ಬರೂ ಹಿಂದೆಬಿದ್ದಿಲ್ಲ ಎಂಬುದಂತೂ ಸತ್ಯ. ಇಬ್ಬರಿಗೂ ಒಳ್ಳೆಯದನ್ನೇ ಹಾರೈಸೋಣ ಮತ್ತು ಇನ್ನೂ ಬಹಳಷ್ಟು ಕಾಲದವರೆಗೆ ಚಿತ್ರರಸಿಕರನ್ನು ರಂಜಿಸುತ್ತಿರಲಿ ಎಂದು ಆಶಿಸೋಣ.
ವೆಬ್‌ದುನಿಯಾ ಓದುಗರೇ! ಕಾಮೆಂಟ್ ಮಾಡೋ ಮುನ್ನ ಇಲ್ಲೊಮ್ಮೆ ಓದಿ ನೋಡಿ!
ಇವನ್ನೂ ಓದಿ
ಇದನ್ನು ಸಹ ಶೋಧಿಸು: ತಾರಾ, ಸುಧಾರಾಣಿ, ವೇಮಗಲ್ ಜಗನ್ನಾಥ್, ತುಳಸೀದಳ, ಅರಗಿಣಿ, ಕನ್ನಡ ಸಿನಿಮಾ
