ಮುಖ್ಯ ಪುಟ 
ಮನರಂಜನೆ » ಸ್ಯಾಂಡಲ್ ವುಡ್ » ಸುದ್ದಿ/ಗಾಸಿಪ್ » ಎಲ್ಲಾ 'ಬಾಡಿ'ಗಳನ್ನೂ ಸುತ್ತಿಕೊಂಡು ಬಂದ 'ಗಾರ್ಡ್‌' (Body Gaurd | Daisy Sha | Spoorthi | Jaggesh)
ಮನರಂಜನೆ » ಸ್ಯಾಂಡಲ್ ವುಡ್ » ಸುದ್ದಿ/ಗಾಸಿಪ್ » ಎಲ್ಲಾ 'ಬಾಡಿ'ಗಳನ್ನೂ ಸುತ್ತಿಕೊಂಡು ಬಂದ 'ಗಾರ್ಡ್‌' (Body Gaurd | Daisy Sha | Spoorthi | Jaggesh)  |
EVENT |
ಕ್ಷಣ ಕ್ಷಣದ ತಾಜಾ ಸುದ್ದಿ, ವಿಶೇಷ ವರದಿ-ಲೇಖನಗಳಿಗಾಗಿ ನಿಮ್ಮ ವೆಬ್‌ದುನಿಯಾಕ್ಕೆ ಭೇಟಿ ಕೊಡಿ
'ಬಾಡಿಗಾರ್ಡ್' ಚಿತ್ರ ಮೊದಲಿಗೆ ಕಾಣಿಸಿಕೊಂಡಿದ್ದು ಮಲಯಾಳಂನಲ್ಲಿ. ನಯನತಾರಾ ಮತ್ತು ದಿಲೀಪ್‌ ಪ್ರಧಾನ ಪಾತ್ರಗಳಲ್ಲಿ ಕಾಣಿಸಿಕೊಂಡಿದ್ದ ಈ ಚಿತ್ರವನ್ನು ಸಿದ್ದೀಕ್‌ ಎಂಬಾತ ನಿರ್ದೇಶಿಸಿದ್ದರು. ಇದು ಅಲ್ಲಿ ಸೂಪರ್ಹಿಟ್ ಆಗಿತ್ತಂತೆ. ಇದರ ಮೇಲೆ ತಮಿಳಿಗರ ಕಣ್ಣು ಬಿದ್ದು ಅವರು 'ಕಾವಲನ್‌' ಎಂಬ ಹೆಸರಿನಲ್ಲಿ ಇದನ್ನು ರಿಮೇಕಿಸಿಬಿಡುವುದೇ?!! ವಿಜಯ್‌ ಮತ್ತು ಆಸಿನ್‌ ಅಭಿನಯದ ಈ ಚಿತ್ರ ಅಲ್ಲೂ ಸೂಪರ್ಹಿಟ್!!
ನಂತರ ವಾಡಿಕೆಯಂತೆ ಇದು ಹಿಂದಿ ಮತ್ತು ತೆಲುಗಿನಲ್ಲೂ ಮರು ನಿರ್ಮಾಣಗೊಂಡಿತು. ಹಿಂದಿಯಲ್ಲಿ ಸಲ್ಮಾನ್‌ಖಾನ್‌ ಮತ್ತು ಕರೀನಾಕಪೂರ್ ಪ್ರಧಾನ ಪಾತ್ರಗಳಲ್ಲಿ ಕಾಣಿಸಿಕೊಂಡರೆ, ತೆಲುಗಿನಲ್ಲಿ ವೆಂಕಟೇಶ್‌ ಮತ್ತು ತ್ರಿಶಾ ಅಭಿನಯಿಸಿದರು. ಈಗ ಕನ್ನಡದ ಸರದಿ. ಪ್ರಭಾವೀ ವ್ಯಕ್ತಿಯ ಮಗಳ ಅಂಗರಕ್ಷಕನಾಗಿ ಬರುವಾತ ಅವಳನ್ನೇ ಬುಟ್ಟಿಗೆ ಹಾಕಿಕೊಳ್ಳುವ ಕಥೆಯನ್ನು ಹೊಂದಿರುವ ಈ ಚಿತ್ರ ಜಗ್ಗೇಶ್‌ಗೆ ಹೇಳಿಮಾಡಿಸಿದಂತಿದೆಯಂತೆ.
ಮ‌ೂರು ತಿಂಗಳ ಒಳಗಾಗಿ ಚಿತ್ರವನ್ನು ತೆರೆಗೆ ತರುವ ಇರಾದೆ ಜಗ್ಗೇಶ್‌ರವರದ್ದು. ಇದು ಅವರ ಹೋಂ ಪ್ರೊಡಕ್ಷನ್‌ ಚಿತ್ರ ಎಂಬುದಿಲ್ಲಿ ಗಮನಾರ್ಹ. ರಾಮ್‌ ನಾರಾಯಣ್‌, ಕವಿರಾಜ್‌ ಹಾಡುಗಳನ್ನು ಬರೆದಿದ್ದಾರೆ ಮತ್ತು ರಾಜೇಂದ್ರ ಕಾರಂತರು ಸಂಭಾಷಣೆಯನ್ನು ಬರೆದಿದ್ದಾರೆ. ಜಗ್ಗೇಶರ ಹಲವು ವರ್ಷಗಳ ಸ್ನೇಹಿತ ಟಿ.ಎ.ಆನಂದ್‌ ಈ ಚಿತ್ರದ ನಿರ್ದೇಶಕರು. ಎಲ್ಲಾ ಭಾಷೆಗಳಲ್ಲೂ ಸೂಪರ್ಹಿಟ್ ಆಗಿರುವ ಈ ಚಿತ್ರ ಕನ್ನಡದಲ್ಲಿ ಹೇಗೆ ರಾರಾಜಿಸಲಿದೆ ಎಂಬುದನ್ನು ನೋಡಲು ನೀವು ಹೆಚ್ಚೂಕಮ್ಮಿ ನವೆಂಬರ್‌ವರೆಗೂ ಕಾಯಬೇಕು.
ವೆಬ್‌ದುನಿಯಾ ಓದುಗರೇ! ಕಾಮೆಂಟ್ ಮಾಡೋ ಮುನ್ನ ಇಲ್ಲೊಮ್ಮೆ ಓದಿ ನೋಡಿ!
ಇವನ್ನೂ ಓದಿ
ಇದನ್ನು ಸಹ ಶೋಧಿಸು: ಬಾಡಿಗಾರ್ಡ್, ಡೈಸಿ ಷಾ, ಸ್ಫೂರ್ತಿ, ಜಗ್ಗೇಶ್, ಟಿಎಆನಂದ್, ಕನ್ನಡ ಸಿನಿಮಾ
