Feedback
Print
ಸತ್ಯ ಇನ್ ಲವ್
 | ||
|
ಗುರುಕಿರಣ್‌ ಸಂಗೀತ ನಿರ್ದೇಶನದ 50ನೇ ಚಿತ್ರ, ಶಿವಣ್ಣ ವಿಭಿನ್ನ ಗೆಟಪ್‌‌ನಲ್ಲಿ ಕಾಣಿಸಿಕೊಳ್ಳುತ್ತಿರುವ ಚಿತ್ರ, ದಕ್ಷಿಣ ಭಾರತದ ಖ್ಯಾತ ತಾರೆ ಜೆನಿಲಿಯಾರವರ ಪ್ರಥಮ ಕನ್ನಡ ಚಿತ್ರ ಎಂಬ ಹೆಗ್ಗಳಿಕೆಗಳನ್ನೊಳಗೊಂಡ ಸತ್ಯ ಇನ್ ಲವ್ ಚಿತ್ರ ಇಂದು ಬಿಡುಗಡೆಯಾಗುತ್ತಿದೆ.
ಕೇವಲ ಕನಾಟಕ ಮಾತ್ರವಲ್ಲದೇ ತಮಿಳುನಾಡು, ಆಂಧ್ರಪ್ರದೇಶ, ಮಹಾರಾಷ್ಟ್ರ ಹಾಗೂ ದೆಹಲಿಯಲ್ಲಿ ಬಿಡುಗಡೆಯಾಗುತ್ತಿರುವ ಈ ಚಿತ್ರ ಎಲ್ಲರ ನೀರೀಕ್ಷೆಯನ್ನು ಹೆಚ್ಚಿಸಿದೆ. ಹಿಂದೊಮ್ಮೆ ಡಾ| ರಾಜ್‌ಕುಮಾರ್ ಅವರ ಭಾಗ್ಯದಾ ಲಕ್ಷ್ಮೀ ಬಾರಮ್ಮಾ ಚಿತ್ರ ಆಂಧ್ರಪ್ರದೇಶದ ಮುಖ್ಯ ಕೇಂದ್ರವೊಂದರಲ್ಲಿ ಬಿಡುಗಡೆಯಾದಾಗಲೂ ಇದೇ ರೀತಿಯ ಉತ್ಸಾಹ ಕಂಡುಬಂದಿತ್ತು.
ಚಿತ್ರದ ಕತೆಯನ್ನು ಎಲ್ಲೂ ಬಿಟ್ಟುಕೊಡಲಾಗಿಲ್ಲ. ವಿಭಿನ್ನ ಚಿತ್ರ ಎಂದಷ್ಟೇ ಹೇಳಲಾಗಿದೆ. ಹಾಡುಗಳೂ ಸಹ ಎಲ್ಲರಿಗೂ ಮೆಚ್ಚುಗೆಯಾಗಿವೆ. ಚಿತ್ರ ಪ್ರಾರಂಭವಾಗಿ ಒಂದು ವರ್ಷದ ನಂತರ ಬಿಡುಗಡೆಯಾಗುತ್ತಿರುವುದಕ್ಕೆ ನಾಯಕಿ ಜೆನಿಲಿಯಾರವರ ಕಾಲ್ಶೀಟ್ ಹೊಂದಾಣಿಕೆಯಲ್ಲಿ ಉಂಟಾದ ಸಮಸ್ಯೆಯೇ ಕಾರಣವೆಂದು ಹೇಳಲಾಗುತ್ತಿದೆ. ಈ ಎಲ್ಲಾ ಅಡತಡೆಗಳನ್ನು ದಾಟಿಕೊಂಡು ಬಂದಿರುವ ಸತ್ಯ, ದಾಖಲೆ ಸಂಖ್ಯೆ ಚಿತ್ರಮಂದಿರಗಳಲ್ಲಿ ಬಿಡುಗಡೆಯಾಗುತ್ತಿದೆ. ಕರ್ನಾಟಕದಿಂದ ಹೊರಗೆ ಬಿಡುಗಡೆಯಾಗುತ್ತಿರುವ ರಾಜ್ಯಗಳಲ್ಲಿ ಪಿವಿಆರ್ ಚಿತ್ರಮಂದಿರಗಳು ಹೆಚ್ಚಿನ ಉತ್ಸಾಹ ತೋರಿಸಿವೆ. ಸದ್ಯದಲ್ಲಿಯೇ ಹೊರದೇಶಗಳಲ್ಲೂ ಬಿಡುಗಡೆಯಾಗಲಿದೆಯಂತೆ.
ಒಟ್ಟಿನಲ್ಲಿ ಸತ್ಯ ಇನ್ ಲವ್ ಸಂಚಲನೆ ಮೂಡಿಸಿದೆ.