Feedback
Print
ಇಂದ್ರದಲ್ಲೂ ಮಚ್ಚು ಹಿಡಿಯುವ ದರ್ಶನ್ 
ಚಿತ್ರ ಮುನ್ನೋಟ: ಇಂದ್ರ
ಇತ್ತೀಚೆಗೆ ಗಲ್ಲಾಪೆಟ್ಟಿಗೆಯನ್ನು ಸೂರೆಗೊಂಡ ಚಿತ್ರವೆಂದರೆ ಅದು ಚಾಲೆಂಜಿಂಗ್ ಸ್ಟಾರ್ ದರ್ಶನ್ ಅಭಿನಯದ ‘ಗಜ’. ಆ ಚಿತ್ರದ ಹಾಡುಗಳು, ಫೈಟಿಂಗ್ ಶೈಲಿಯನ್ನು ಜನ ಮೆಚ್ಚಿದ್ದರು. ಈಗ ದರ್ಶನ್ ಅವರ ಮತ್ತೊಂದು ಬಹುನಿರೀಕ್ಷಿತ ಚಿತ್ರ ಇಂದ್ರ ಈ ವಾರ ತೆರೆ ಕಾಣುತ್ತಿದೆ.
ಎಚ್. ವಾಸು ನಿರ್ದೇಶಿಸುತ್ತಿರುವ ಈ ಚಿತ್ರದಲ್ಲಿ ದರ್ಶನ್ ವಿಶಿಷ್ಟ ನಾಲ್ಕು ಗೆಟಪ್‌ಗಳಲ್ಲಿ ನಟಿಸಿದ್ದಾರೆ. ರೌಡಿಯಾಗಿ, ಮೀನುಗಾರನಾಗಿ, ಪ್ರೇಮಿಯಾಗಿ ಹೀಗೆ.. ಬೇರೆ ಬೇರೆ ರೀತಿಯಲ್ಲಿ ಕಾಣಿಸಿಕೊಳ್ಳುತ್ತಿದ್ದಾರೆ.ಪ್ರತಿ ಗೆಟಪ್ಪಿನಲ್ಲೂ ಅವರ ಕಾಸ್ಟ್ಯೂಮ್ ಶೈಲಿ ವಿಭಿನ್ನವಾಗಿದೆ. ಹೇರ್ ಸ್ಟೈಲ್ ಕೂಡಾ ಭಿನ್ನವಾಗಿದೆ.
ಇಂದ್ರ ಚಿತ್ರಕ್ಕಾಗಿ ದರ್ಶನ್ ಕಷ್ಟಪಟ್ಟು ಮಂಗಳೂರು ಕನ್ನಡವನ್ನು ಕಲಿತಿದ್ದಾರೆ. ‘ನೀಲಕಂಠ’ ಚಿತ್ರದಲ್ಲಿ ರವಿಚಂದ್ರನ್ ಜೊತೆ ಮೈ ಚಳಿ ಬಿಟ್ಟು ನಟಿಸಿದ್ದ ನಮಿತಾ ಇಲ್ಲಿ ನಾಯಕಿಯಾಗಿ ನಟಿಸಿದ್ದಾರೆ. ದರ್ಶನ್ ಚಿತ್ರಕ್ಕೆ ಮತ್ತೆ ಮಾರ್ಕೆಟ್ ಬಂದಿದೆ ಎಂಬ ಮಾತು ಎಲ್ಲೆಡೆ ಕೇಳಿ ಬರುತ್ತಿರುವುದರಿಂದ ನಿರ್ದೇಶಕರು ಈ ಚಿತ್ರದ ಬಗ್ಗೆ ಕನಸು ಕಾಣುತ್ತಿದ್ದಾರೆ.
ದರ್ಶನ್ ಮಚ್ಚು ಹಿಡಿದರೆ ಚಿತ್ರ ಗೆಲ್ಲುತ್ತದೆ ಎಂಬ ಅಂಶವನ್ನು ಕಂಡುಕೊಂಡ ನಿರ್ದೇಶಕ ವಾಸು ಇಲ್ಲಿಯೂ ದರ್ಶನ್ ಕೈಗೆ ಮಚ್ಚು ಕೊಟ್ಟಿದ್ದಾರೆ.
ಚಿತ್ರವನ್ನು ವಿ. ಕುಪ್ಪುಸ್ವಾಮಿ ಹಾಗೂ ಸುರೇಶ್ ಚೌಧರಿ ನಿರ್ಮಿಸುತ್ತಿದ್ದು, ವಿ. ಹರಿಕೃಷ್ಣ ಸಂಗೀತ ಸಂಯೋಜಿಸಿದ್ದಾರೆ. ಚಿತ್ರದ ಹಾಡುಗಳು ಈಗಾಗಲೇ ಮಾರುಕಟ್ಟೆಯಲ್ಲಿ ಕೇಳಿಬರುತ್ತಿದೆ. ಸೆನ್ಸಾರ್ ಮಂಡಳಿ ಚಿತ್ರಕ್ಕೆ ಯು/ಎ ಸರ್ಟಿಫಿಕೇಟ್ ನೀಡಿದೆ. ತೆರೆಮೇಲೆ ಇಂದ್ರನ ಅವತಾರ ಹೇಗಿರುತ್ತೆ ಎಂಬುದನ್ನು ನೋಡಬೇಕೆಂದರೆ ಶುಭ ಶುಕ್ರವಾರದವರೆಗೆ ಕಾಯಬೇಕು.
 | ||
|
ಎಚ್. ವಾಸು ನಿರ್ದೇಶಿಸುತ್ತಿರುವ ಈ ಚಿತ್ರದಲ್ಲಿ ದರ್ಶನ್ ವಿಶಿಷ್ಟ ನಾಲ್ಕು ಗೆಟಪ್‌ಗಳಲ್ಲಿ ನಟಿಸಿದ್ದಾರೆ. ರೌಡಿಯಾಗಿ, ಮೀನುಗಾರನಾಗಿ, ಪ್ರೇಮಿಯಾಗಿ ಹೀಗೆ.. ಬೇರೆ ಬೇರೆ ರೀತಿಯಲ್ಲಿ ಕಾಣಿಸಿಕೊಳ್ಳುತ್ತಿದ್ದಾರೆ.ಪ್ರತಿ ಗೆಟಪ್ಪಿನಲ್ಲೂ ಅವರ ಕಾಸ್ಟ್ಯೂಮ್ ಶೈಲಿ ವಿಭಿನ್ನವಾಗಿದೆ. ಹೇರ್ ಸ್ಟೈಲ್ ಕೂಡಾ ಭಿನ್ನವಾಗಿದೆ.
ಇಂದ್ರ ಚಿತ್ರಕ್ಕಾಗಿ ದರ್ಶನ್ ಕಷ್ಟಪಟ್ಟು ಮಂಗಳೂರು ಕನ್ನಡವನ್ನು ಕಲಿತಿದ್ದಾರೆ. ‘ನೀಲಕಂಠ’ ಚಿತ್ರದಲ್ಲಿ ರವಿಚಂದ್ರನ್ ಜೊತೆ ಮೈ ಚಳಿ ಬಿಟ್ಟು ನಟಿಸಿದ್ದ ನಮಿತಾ ಇಲ್ಲಿ ನಾಯಕಿಯಾಗಿ ನಟಿಸಿದ್ದಾರೆ. ದರ್ಶನ್ ಚಿತ್ರಕ್ಕೆ ಮತ್ತೆ ಮಾರ್ಕೆಟ್ ಬಂದಿದೆ ಎಂಬ ಮಾತು ಎಲ್ಲೆಡೆ ಕೇಳಿ ಬರುತ್ತಿರುವುದರಿಂದ ನಿರ್ದೇಶಕರು ಈ ಚಿತ್ರದ ಬಗ್ಗೆ ಕನಸು ಕಾಣುತ್ತಿದ್ದಾರೆ.
ದರ್ಶನ್ ಮಚ್ಚು ಹಿಡಿದರೆ ಚಿತ್ರ ಗೆಲ್ಲುತ್ತದೆ ಎಂಬ ಅಂಶವನ್ನು ಕಂಡುಕೊಂಡ ನಿರ್ದೇಶಕ ವಾಸು ಇಲ್ಲಿಯೂ ದರ್ಶನ್ ಕೈಗೆ ಮಚ್ಚು ಕೊಟ್ಟಿದ್ದಾರೆ.
ಚಿತ್ರವನ್ನು ವಿ. ಕುಪ್ಪುಸ್ವಾಮಿ ಹಾಗೂ ಸುರೇಶ್ ಚೌಧರಿ ನಿರ್ಮಿಸುತ್ತಿದ್ದು, ವಿ. ಹರಿಕೃಷ್ಣ ಸಂಗೀತ ಸಂಯೋಜಿಸಿದ್ದಾರೆ. ಚಿತ್ರದ ಹಾಡುಗಳು ಈಗಾಗಲೇ ಮಾರುಕಟ್ಟೆಯಲ್ಲಿ ಕೇಳಿಬರುತ್ತಿದೆ. ಸೆನ್ಸಾರ್ ಮಂಡಳಿ ಚಿತ್ರಕ್ಕೆ ಯು/ಎ ಸರ್ಟಿಫಿಕೇಟ್ ನೀಡಿದೆ. ತೆರೆಮೇಲೆ ಇಂದ್ರನ ಅವತಾರ ಹೇಗಿರುತ್ತೆ ಎಂಬುದನ್ನು ನೋಡಬೇಕೆಂದರೆ ಶುಭ ಶುಕ್ರವಾರದವರೆಗೆ ಕಾಯಬೇಕು.