Feedback
Print
'ಗಣೇಶ'ನ ಬ್ರೈನ್‌ಗೇಮ್ 'ಬೊಂಬಾಟ್' 
 | ||
|
ಗಣೇಶ್‌ರ ಭಾರೀ ನಿರೀಕ್ಷೆಯ ಚಿತ್ರ 'ಬೊಂಬಾಟ್' ಈ ವಾರ ತೆರೆ ಕಾಣುತ್ತಿದೆ. ಮೊದಲ ಬಾರಿಗೆ ಗಣೇಶ್ ತನ್ನ 'ಗಣೇಶಿಸಂ'ನಿಂದ ಹೊರ ಬಂದು ನಟಿಸಿದ ಚಿತ್ರವಾದ್ದರಿಂದ ಗಾಂಧಿನಗರದಲ್ಲಿ ಚಿತ್ರದ ಬಗ್ಗೆ ಈಗಾಗಲೇ ಕುತೂಹಲ ಮೂಡಿದೆ. ವಿಶಿಷ್ಟ ಚಿತ್ರಕಥೆಯನ್ನು ಒಳಗೊಂಡ ಚಿತ್ರ ಎಂಬ ಸುದ್ದಿ ಎಲ್ಲೆಡೆ ಹಬ್ಬಿದ್ದರಿಂದ ಏನಿದು ಗಣೇಶನ ಆಟ ಎಂದು ಜನ ಎದುರು ನೋಡುತ್ತಿದ್ದಾರೆ.
ಇಲ್ಲಿ ಗಣೇಶ್ ಮೊದಲ ಬಾರಿಗೆ ಅದ್ಬುತ ಫೈಟಿಂಗ್ ಮಾಡಿದ್ದಾರಂತೆ. ಬ್ರೈನ್‌ಗೇಮ್ ಮೂಲಕ ತಮ್ಮ ಎದುರಾಳಿಯನ್ನು ಸದೆ ಬಡಿಯುವ ದೃಶ್ಯಗಳು ಅದ್ಬುತವಾಗಿ ಮೂಡಿಬಂದಿದೆ ಎನ್ನುತ್ತಾರೆ ನಿರ್ಮಾಪಕ ರಾಕ್‌ಲೈನ್ ವೆಂಕಟೇಶ್. ಚಿತ್ರವನ್ನು ಡಿ. ರಾಜೇಂದ್ರ ಬಾಬು ನಿರ್ದೇಶಿಸಿದ್ದಾರೆ.
ಆಸ್ಟ್ತ್ರಿಯಾ ಸೇರಿದಂತೆ ವಿವಿಧ ಸುಂದರ ತಾಣಗಳಲ್ಲಿ ಇದರ ಹಾಡುಗಳನ್ನು ಚಿತ್ರೀಕರಿಸಿಕೊಂಡು ಬಂದಿದ್ದು, ಹಾಡುಗಳು ಮಾರುಕಟ್ಟೆಯಲ್ಲಿ ಈಗಾಗಲೇ ಜನಪ್ರಿಯವಾಗಿವೆ. ಮೊದಲ ಬಾರಿಗೆ ರಮ್ಯಾ ಹಾಗೂ ಗಣೇಶ್ ಒಂದಾಗಿದ್ದಾರೆ.
ಸುಮಧುರ ಸಂಗೀತಕ್ಕೆ ಖ್ಯಾತರಾಗಿರುವ ಮನೋಮೂರ್ತಿ ಈ ಚಿತ್ರಕ್ಕೂ ಸಂಗೀತ ನೀಡಿದ್ದಾರೆ. ಚಿತ್ರದಲ್ಲಿ ಗಣೇಶ್ ಅದ್ಬುತ ಫೈಟಿಂಗ್ ಮಾಡಿದ್ದು, ಅದಕ್ಕಾಗಿ ವಿಶೇಷ ತರಬೇತಿಯನ್ನು ಪಡೆದಿದ್ದಾರಂತೆ. ಇಬ್ಬರು ಸ್ಟಾರ್‌ಗಳಿರುವ ಈ ಚಿತ್ರ ಜನರ ಮಧ್ಯೆ ಬೊಂಬಾಟ್ ಆಗುತ್ತಾ ಎಂಬುದನ್ನು ಮಾತ್ರ ಕಾದು ನೋಡಬೇಕಾಗಿದೆ.