ಮುಖ್ಯ ಪುಟ 
ಮನರಂಜನೆ » ಸ್ಯಾಂಡಲ್ ವುಡ್ » ಸಿನಿಮಾ ಮುನ್ನೋಟ » ಜಂಗ್ಲಿ, ಬಿರುಗಾಳಿ, ಐಡ್ಯಾ ಮಾಡ್ಯಾರ... ಈ ವಾರ ತೆರೆಗೆ
ಮನರಂಜನೆ » ಸ್ಯಾಂಡಲ್ ವುಡ್ » ಸಿನಿಮಾ ಮುನ್ನೋಟ » ಜಂಗ್ಲಿ, ಬಿರುಗಾಳಿ, ಐಡ್ಯಾ ಮಾಡ್ಯಾರ... ಈ ವಾರ ತೆರೆಗೆ
Feedback
Print
ಜಂಗ್ಲಿ, ಬಿರುಗಾಳಿ, ಐಡ್ಯಾ ಮಾಡ್ಯಾರ... ಈ ವಾರ ತೆರೆಗೆ 
 | ||
|
ಇಂತಿ ನಿನ್ನ ಪ್ರೀತಿಯ ಚಿತ್ರದ ಸೋಲಿನಿಂದ ಹೊರಬರಲು ನಿರ್ದೇಶಕ ಸೂರಿ ತಮ್ಮ ಜಂಗ್ಲಿ ಚಿತ್ರಕ್ಕೆ ಭರ್ಜರಿ ಪ್ರಚಾರ ನೀಡಿದ್ದಾರೆ. ಇಲ್ಲಿ ವಿಜಯ್ ನಾಯಕರಾಗಿ ಹಾಗೂ ಆಂದ್ರಿತಾ ರೇ ನಾಯಕಿಯಾಗಿ ನಟಿಸಿದ್ದಾರೆ. ಚಿತ್ರದ ಪೋಸ್ಟರುಗಳು ಆಕರ್ಷಕವಾಗಿದ್ದು, ಹಾಡುಗಳು ಈಗಾಗಲೇ ಎಲ್ಲ ಕಡೆ ಜನಪ್ರಿಯವಾಗಿದೆ. ಅದರಲ್ಲೂ ಹಳೆ ಪಾತ್ರೆ ಹಳೆ ಕಪ್ಡ.. ಹಾಡು ಈಗ ಎಲ್ಲರ ಬಾಯಲ್ಲೂ ಕೇಳಿ ಬರುತ್ತಿದೆ. ಚಿತ್ರವನ್ನು ರಾಕ್ಲೈನ್ ವೆಂಕಟೇಶ್ ನಿರ್ಮಿಸಿದ್ದಾರೆ.
ಈ ವಾರ ಬಿಡುಗಡೆಯಾಗುತ್ತಿರುವ ಮತ್ತೊಂದು ಬಹುನಿರೀಕ್ಷಿತ ಚಿತ್ರ ಬಿರುಗಾಳಿ. ಗೆಳೆಯ ಚಿತ್ರ ನಿರ್ದೇಶಿಸಿದ ಹರ್ಷ ಈ ಚಿತ್ರವನ್ನು ನಿರ್ದೇಶಿಸಿದ್ದಾರೆ. ಆ ದಿನಗಳು ಚಿತ್ರದ ಮೂಲಕ ಕನ್ನಡಿಗರ ಮನಸ್ಸಿಗೆ ಲಗ್ಗೆ ಇಟ್ಟ ಚೇತನ್ ಇಲ್ಲಿ ನಾಯಕರಾಗಿ ನಟಿಸಿದ್ದಾರೆ. ಇವರು ಎರಡು ವರ್ಷಗಳ ನಂತರ ನಟಿಸುತ್ತಿರುವುದರಿಂದ ಸಹಜವಾಗಿ ಇವರ ಅಭಿಮಾನಿಗಳು ಕುತೂಹಲದಿಂದ ಎದುರು ನೋಡುತ್ತಿದ್ದಾರೆ. ಇಲ್ಲಿ ಚೇತನ್ ವಿಭಿನ್ನ ಪಾತ್ರಗಳಲ್ಲಿ ಕಂಗೊಳಿಸಲಿದ್ದಾರಂತೆ.
ರಂಗಭೂಮಿಯ ಯಶವಂತ್ ಸರದೇಶಪಾಂಡೆ ನಿರ್ದೇಶನದ ಐಡ್ಯಾ ಮಾಡ್ಯಾರ ಚಿತ್ರ ಕೂಡಾ ಈ ವಾರ ಬಿಡುಗಡೆಯಾಗುತ್ತಿದೆ. ಚಿತ್ರದಲ್ಲಿ ಕಿರುತೆರೆಯ ಪೂರ್ಣ ಎಂಬವರು ಮುಖ್ಯ ಪಾತ್ರದಲ್ಲಿ ನಟಿಸಿದ್ದಾರೆ. ಈ ಮೂರು ಚಿತ್ರಗಳಲ್ಲಿ ಪ್ರೇಕ್ಷಕರು ಯಾವ ಚಿತ್ರಕ್ಕೆ ಮನ್ನಣೆ ನೀಡುತ್ತಾರೆ ಎಂಬುದನ್ನು ಕಾದು ನೋಡಬೇಕು.