ಮುಖ್ಯ ಪುಟ 
ಮನರಂಜನೆ » ಸ್ಯಾಂಡಲ್ ವುಡ್ » ಸಿನಿಮಾ ಮುನ್ನೋಟ » ಈ ವಾರ ಪ್ರೀತ್ಸೆ ಪ್ರೀತ್ಸೆ ಬಿಡುಗಡೆ (Preethse Preethse | Prajna | Yogeesh | Madesh)
ಮನರಂಜನೆ » ಸ್ಯಾಂಡಲ್ ವುಡ್ » ಸಿನಿಮಾ ಮುನ್ನೋಟ » ಈ ವಾರ ಪ್ರೀತ್ಸೆ ಪ್ರೀತ್ಸೆ ಬಿಡುಗಡೆ (Preethse Preethse | Prajna | Yogeesh | Madesh)
Feedback
Print
ಈ ವಾರ ಪ್ರೀತ್ಸೆ ಪ್ರೀತ್ಸೆ ಬಿಡುಗಡೆ 
 | ||
|
ನಿರ್ದೇಶಕರು: ಮಾದೇಶ
ತಾರಾಗಣ: ಯೋಗಿಶ್, ಪ್ರಜ್ಞಾ.
ಮಾದೇಶ್ ನಿರ್ದೇಶನದ ಲೂಸ್ ಮಾದ ಅರ್ಥಾತ್ ಯೋಗೀಶ್ ಅಭಿನಯದ ಬಹು ನಿರೀಕ್ಷೆಯ ಪ್ರೀತ್ಸೆ ಪ್ರೀತ್ಸೆ ಚಿತ್ರ ಬಾಕ್ಸ್ ಆಫೀಸ್ ಕೊಳ್ಳೆ ಹೊಡೆಯಲು ರಾಜ್ಯಾದ್ಯಾಂತ ಈ ವಾರ ತೆರೆ ಕಾಣಲಿದೆ.
ಈಗಾಗಲೇ ಚಿತ್ರದ ಹಾಡುಗಳನ್ನು ನೋಡಿರುವ, ಕೇಳಿರುವ ಯೋಗೀಶ್ ಅಭಿಮಾನಿಗಳಿಂದ ಉತ್ತಮ ಪ್ರಶಂಸೆ ವ್ಯಕ್ತವಾಗಿದ್ದು, ಹಾಡುಗಳಂತೂ ಅತ್ಯಂತ ಜನಪ್ರಿಯವಾಗಿವೆ. ಈ ಚಿತ್ರದಲ್ಲಿ ಯೋಗೀಶ್ ನಾಯಕನಾಗಿ ನಟಿಸುತ್ತಿದ್ದಾರೆ. ಯೋಗೀಶ್ ಇದುವರೆಗೆ ನಾಯಕನಾಗಿ ಅಭಿನಯಿಸಿರುವ ಎಲ್ಲಾ ಚಿತ್ರಗಳನ್ನೂ ಪ್ರೇಕ್ಷಕರು ಅಪ್ಪಿ ಮುದ್ದಾಡಿದ್ದಾರೆ. ಈ ಚಿತ್ರ ಕೂಡ ಅದೇ ಸಾಲಿಗೆ ಸೇರಲಿದೆ ಅನ್ನೋ ಅಭಿಪ್ರಾಯ ನಾಯಕ ಯೋಗೀಶ್ ಅವರದ್ದು.
ತ್ರಿಕೋನ ಪ್ರೇಮಕತೆ ಹೊಂದಿರುವ ಈ ಚಿತ್ರದ ಹಾಡುಗಳಿಗೆ ಈಗಾಗಲೇ ಒಳ್ಳೆ ಪ್ರತಿಕ್ರಿಯೆ ದೊರೆತಿದ್ದು, ಜನರು ಚಿತ್ರಕ್ಕೂ ಇದೇ ರೀತಿ ಬೆಂಬಲ ನೀಡುತ್ತಾರೆ ಅನ್ನೋ ಭರವಸೆ ನನಗಿದೆ ಅಂತಾರೆ ನಿರ್ದೇಶಕ ಮಾದೇಶ್.
ಚಿತ್ರದಲ್ಲಿ ನಾಯಕಿಯಾಗಿ ಪ್ರಜ್ಞಾ ಅಭಿನಯಿಸಿದ್ದಾರೆ. ಜೈಜಗದೀಶ್, ಉದಯತಾರಾ, ಸಂಗೀತಾ, ರಮೇಶ್ ಭಟ್, ಪಿ.ಎನ್. ಸತ್ಯಾ ಮುಂತಾದವರ ತಾರಾಬಳಗವಿದೆ. ಚಿತ್ರದಲ್ಲಿ ವೀನಸ್ ಮೂರ್ತಿ ಅವರ ಕ್ಯಾಮೆರಾ ಕೈಚಳಕ ಅಂತೂ ಅದ್ಬುತವಾಗಿ ಮೂಡಿ ಬಂದಿದೆಯಂತೆ. ಎಲ್ಲದಕ್ಕೂ ಇನ್ನೂ ಕೆಲವೇ ದಿನಗಳಲ್ಲಿ ಉತ್ತರ ಸಿಗಲಿದೆ. ಅಲ್ಲಿವರೆಗೂ ಕಾದು ನೋಡೋಣ ಬಿಡಿ...