ಮುಖ್ಯ ಪುಟ 
ಮನರಂಜನೆ » ಸ್ಯಾಂಡಲ್ ವುಡ್ » ಸಿನಿಮಾ ಮುನ್ನೋಟ » ಬರಲಿದೆ ಲೂಸ್ ಮಾದನ 'ರಾವಣ' ಅವತಾರ! (Yogish | Loos Mada | Sanchitha Padukone)
ಮನರಂಜನೆ » ಸ್ಯಾಂಡಲ್ ವುಡ್ » ಸಿನಿಮಾ ಮುನ್ನೋಟ » ಬರಲಿದೆ ಲೂಸ್ ಮಾದನ 'ರಾವಣ' ಅವತಾರ! (Yogish | Loos Mada | Sanchitha Padukone)
Feedback
Printಬರಲಿದೆ ಲೂಸ್ ಮಾದನ 'ರಾವಣ' ಅವತಾರ! 
MOKSHA
ತಾರಾಗಣ: ಯೋಗಿಶ್, ಸಂಚಿತಾ ಪಡುಕೋಣೆ
ನಿರ್ದೇಶಕ: ಯೊಗೀಶ್ ಹುಣಸೂರು
ಪಡ್ಡೆಗಳ ಅಚ್ಚು ಮೆಚ್ಚಿನ ನಟ ಲೂಸ್ ಮಾದ ಖ್ಯಾತಿಯ ಯೋಗಿಶ್ ಹೆಜ್ಜೆ ಹಾಕಲು ನಿಂತರೆ ಹುಡುಗರು ಹುಚ್ಚೆದ್ದು ಕುಣಿಯುತ್ತಾರೆ ಎಂಬುದಂತು ಖರೆನೇ. ಡ್ಯೂಪ್ ಬೇಡ ಎನ್ನುವ ಅವರು ಎಲ್ಲಾ ರೀತಿಯ ಕಷ್ಟಕರ ಸನ್ನಿವೇಶಗಳನ್ನು ನಿಭಾಯಿಸುತ್ತಾರೆ. ಅದರಿಂದಲೇ ತಮ್ಮದೇ ಆದ ಅಭಿಮಾನಿಗಳ ವಲಯವನ್ನು ಸೃಷ್ಟಿಸಿಕೊಂಡಿದ್ದಾರೆ ಯೋಗಿ.
ತಮಿಳು ನಟ ಧನುಷ್ ಅವರನ್ನೇ ಹೋಲುವುದರಿಂದಲೋ ಏನೋ, ಧನುಷ್‌ರ ತಮಿಳು ಚಿತ್ರಗಳ ಕನ್ನಡ ರಿಮೇಕ್ ಚಿತ್ರಗಳಿಗೆ ಯೋಗಿ ಖಾಯಂ ನಟ. ಇಂತಿಪ್ಪ ಯೋಗಿಯ ಸಾಲು ಸಾಲು ಚಿತ್ರಗಳ ಪೈಕಿ ಈ ಶುಕ್ರವಾರ ರಾವಣ ಬಿಡುಗಡೆಯಾಗಲಿದೆ. ಧನುಷ್ ಅಭಿನಯದ ಸೂಪರ್ ಹಿಟ್ ಕಾದಲ್ ಕೊಂಡೇನ್ ಚಿತ್ರದ ರಿಮೇಕ್ ಇದು. ಈ ಚಿತ್ರದಲ್ಲಿ ಯೋಗಿಯ ಅಭಿನಯದ ಬಗ್ಗೆ ಈಗಾಗಲೇ ನಿರೀಕ್ಷೆ ಹೆಚ್ಚಿದೆ. ಜೊತೆಗೆ ಯೋಗಿ ಚಕ್ಲಿ ನಿಪ್ಪಟ್ಟು ಹಾಡು ಕೂಡಾ ಸಿಕ್ಕಾಪಟ್ಟೆ ಫೇಮಸ್ ಕೂಡಾ ಆಗಿದೆ.
ರಾವಣ ಚಿತ್ರದ ನಿರ್ದೇಶಕ ಯೋಗಿಶ್ ಹುಣಸೂರು, ಚಿತ್ರ ಸೊಗಸಾಗಿ ಮೂಡಿಬಂದಿದ್ದು ಪ್ರೇಕ್ಷಕರಿಗೆ ಇಷ್ಟವಾಗುತ್ತದೆ ಎಂಬ ಬಲವಾದ ನಿರೀಕ್ಷೆ ಹೊಂದಿದ್ದಾರೆ. ಈ ಚಿತ್ರ ಶತದಿನೋತ್ಸವ ಆಚರಿಸುವುದು ಖಂಡಿತ ಎಂಬ ಆತ್ಮವಿಶ್ವಾಸ ನಿರ್ಮಾಪಕರಾದ ಉದಯ್ ಕೆ ಮೆಹ್ತಾ ಹಾಗೂ ಮೋಹನ್ ಜಿ ನಾಯಕ್ ಅವರದ್ದು.
ಇದರಲ್ಲಿ ನವನಟಿ ಸಂಚಿತಾ ಪಡುಕೋಣೆ ನಾಯಕಿಯಾಗಿ ನಟಿಸಿದ್ದು, ಅವರಿಗೆ ಈ ಚಿತ್ರ ಹಲವು ಅವಕಾಶಗಳನ್ನು ಸೃಷ್ಟಿಸುತ್ತಾ ಅನ್ನೋದನ್ನು ಕಾದು ನೋಡಬೇಕಿದೆ. ಹೆಚ್ಚು ಕಡಿಮೆ ಯೋಗಿಯ ಎಲ್ಲಾ ಚಿತ್ರಗಳೂ ಹಾಕಿದ ದುಡ್ಡನ್ನಂತೂ ವಾಪಸ್ ಗಳಿಸಿಕೊಟ್ಟಿದೆ. ರಾವಣ ಏನು ಮಾಡುತ್ತಾನೆ ಅಂತ ನೋಡಬೇಕು.