12 ಲಕ್ಷ ಮೌಲ್ಯದ ವೀಳ್ಯದೆಲೆ ಬೆಂಕಿಗಾಹುತಿ   ಸತ್ನಾ(ಮಧ್ಯುಪ್ರದೇಶ), ಸೋಮವಾರ, 19 ಮೇ 2008( 17:36 IST )

ಇಲ್ಲಿಗೆ ಸಮೀಪದ ಮೈಹಾರ್ ಪ್ರದೇಶದಲ್ಲಿ ಸುಮಾರು 10 ಎಕರೆಗಳಷ್ಟು ಹಬ್ಬಿದ್ದ ವಿಳ್ಯದೆಲೆ ನಿಗಮವು ಬೆಂಕಿಗಾಹುತಿಯಾಗಿದೆ ಎಂದು ಸೋಮವಾರ ಪೊಲೀಸರು ತಿಳಿಸಿದ್ದಾರೆ. ಬೆಂಕಿ ಅನಾಹುತದಿಂದಾಗಿ ಸುಮಾರು 12ಲಕ್ಷ ರೂಪಾಯಿ ನಷ್ಟ ಸಂಭವಿಸಿದೆ ಎಂದು ತಹಶೀಲ್ದಾರ್ ಎಸ್.ಎನ್. ಮಿಶ್ರಾ ತಿಳಿಸಿದ್ದಾರೆ. ಕಳೆದ ಸಾಯಂಕಾಲ ಈ ಅನಾಹುತ ಸಂಭವಿಸಿದ್ದು, ನಾಲ್ಕುಗಂಟೆಗಳೊಳಗಾಗಿ ಬೆಂಕಿಯನ್ನು ನಿಯಂತ್ರಣಕ್ಕೆ ತರಲಾಗಿದೆ. ಆಕಸ್ಮಿಕದ ವೇಳೆ 30ಕ್ಕಿಂತಲೂ ಅಧಿಕ ರೈತರು ಹಾನಿಗೀಡಾಗಿದ್ದಾರೆ ಎಂದು ಮಿಶ್ರಾ ಹೇಳಿದ್ದಾರೆ. ಈ ಅಪಘಾತಕ್ಕೆ ಕಾರಣವೇನು ಎಂದು ತಿಳಿದು ಬಂದಿಲ್ಲ ಎಂದು ಪೊಲೀಸರು ಹೇಳಿದ್ದಾರೆ.