ಶೇ.8.1ಕ್ಕೇರಿದ ಹಣದುಬ್ಬರ; ಪರಿಣಾಮ ಬೀರದ ಕ್ರಮಗಳು   ಮುಂಬೈ, ಶುಕ್ರವಾರ, 30 ಮೇ 2008( 16:21 IST )

ಭಾರತೀಯ ಹಣಕಾಸು ಮಾರುಕಟ್ಟೆಯಲ್ಲಿ ಹಣದುಬ್ಬರದ ಪ್ರಮಾಣವು ಶೇ 8ನ್ನು ಈ ವಾರದ ಅವಧಿಯಲ್ಲಿ ತಲುಪಿದ್ದು. ಮೇ 29ಕ್ಕೆ ಕೊನೆಗೊಂಡ ವಾರದ ಅವಧಿಯ ಸಗಟು ಸೂಚ್ಯಂಕ ದರ ಪ್ರಕಾರ ಶೇ.8.1ಕ್ಕೇರಿದೆ ಎಂದು ರಿಸರ್ವ್ ಬ್ಯಾಂಕ್ ಆಫ್ ಇಂಡಿಯಾ ಬಿಡುಗಡೆ ಮಾಡಿರುವ ಹಣಕಾಸು ವರದಿಯಲ್ಲಿ ಸ್ಪಷ್ಟಪಡಿಸಲಾಗಿದೆ. ಮೇ 17ಕ್ಕೆ ಕೊನೆಗೊಂಡ ವಾರದಲ್ಲಿ ಹಣದುಬ್ಬರದ ಪ್ರಮಾಣವು ಸಗಟು ದರ ಸೂಚ್ಯಂಕ ಮಾರುಕಟ್ಟೆಯಲ್ಲಿ ಶೇ 7.82 ದಾಖಲಾಗಿತ್ತು. ಮೇ 3ಕ್ಕೆ ಕೊನೆಗೊಂಡ ವಾರದಲ್ಲಿ ಹಣದುಬ್ಬರದ ಪ್ರಮಾಣವು 44 ತಿಂಗಳ ಹಿಂದಿನ ಪ್ರಮಾಣವನ್ನು ತಲುಪಿದ್ದು, ಮೇ 3ರಂದು ಹಣದುಬ್ಬರದ ಎರಿಕೆಯು ಶೇ 7.83 ಇತ್ತು ಎಂದು ಆರ್‌ಬಿಐ ಹೇಳಿದೆ. ಎರುಗತಿಯಲ್ಲಿ ಸಾಗುತ್ತಿರುವ ಹಣದುಬ್ಬರವನ್ನು ನಿಯಂತ್ರಿಸುವ ನಿಟ್ಟಿನಲ್ಲಿ ರಿಸರ್ವ್ ಬ್ಯಾಂಕ್ ಆಫ್ ಇಂಡಿಯಾ ತನ್ನ ಸಾಲ ನೀತಿ ಮತ್ತು ಠೇವಣಿಗಳ ಮೇಲಿನ ಬಡ್ಡಿದರಗಳ ಮೇಲಿನ ನೀತಿಯನ್ನು ಪರಾಮರ್ಶಿಸಲು ಅವಕಾಶ ಮಾಡಿಕೊಡುವ ಸಾಧ್ಯತೆ ಇದೆ. ಕೇಂದ್ರೀಯ ಬ್ಯಾಂಕ್ ಪ್ರಕಾರ ಹಣದುಬ್ಬರವು ಶೇ 5.5ನ್ನು ಪ್ರಸಕ್ತ ಹಣಕಾಸು ವರ್ಷದಲ್ಲಿ ಮೀರುವಂತಿಲ್ಲ. ಕಳೆದ ತಿಂಗಳು ರಿಸರ್ವ್ ಬ್ಯಾಂಕ್ ಆಫ್ ಇಂಡಿಯಾ ಮೀಸಲು ನಗದು ನೀತಿಯನ್ನು ಎರಡು ಹಂತಗಳಲ್ಲಿ ಪರಿಷ್ಕರಿಸಿದ್ದು ಮೊದಲು 7.25ರಷ್ಟಿದ್ದ ಮೀಸಲು ನಗದು ಪ್ರಮಾಣವನ್ನು 8.25ಕ್ಕೆ ಏರಿಕೆ ಮಾಡಲಾಗಿದೆ.