ಇಂಧನ ದರ ಹೆಚ್ಚಳದಿಂದ ಸಾಗಾಣಿಕೆ ದರದಲ್ಲೂ ಹೆಚ್ಚಳ   ನವದೆಹಲಿ, ಶನಿವಾರ, 31 ಮೇ 2008( 15:30 IST )

ನವದೆಹಲಿ :ವೈಮಾನಿಕ ಇಂಧನ ದರ ಹೆಚ್ಚಳದಿಂದಾಗಿ ಇಂಧನ ತೆರಿಗೆ ಸೇರಿದಂತೆ ಸರಕು ಸಾಗಾಣಿಕೆ ದರಗಳಲ್ಲಿ ಹೆಚ್ಚಳವಾಗಿದೆ ಎಂದು ವಹಿವಾಟಿನ ಮೂಲಗಳು ತಿಳಿಸಿವೆ. ದರ ಹೆಚ್ಚಳವನ್ನು ಪ್ರಕಟಿಸಲಾಗಿದ್ದು, ದೇಶಿಯ ಕ್ಷೇತ್ರದಲ್ಲಿ ಶೇ 6ರಷ್ಟು ಹೆಚ್ಚಳವಾಗಿದ್ದು,ಏಷಿಯಾ ವಲಯದಲ್ಲಿ ಶೇ 2ರಷ್ಟು, ಅಮೆರಿಕ ಸಾಗಣಿಕೆ ದರಗಳಲ್ಲಿ ಶೇ 32ರಷ್ಟು ಹೆಚ್ಚಳವಾಗಿದೆ ಎಂದು ಅಮೆರಿಕನ್ ಎಕ್ಸ್‌ಪ್ರೆಸ್ ಪ್ರಕಟಿಸಿದೆ. ತ್ರೈಮಾಸಿಕ ದಿಂದ ತ್ರೈಮಾಸಿಕದವರೆಗೆ ಹೋಲಿಕೆ ಮಾಡಿದಲ್ಲಿ ರಿಯಾಯಿತಿ ಎಕಾನಮಿ ದರಗಳಲ್ಲಿ ತಾತ್ಕಾಲಿಕವಾಗಿ ಶೇ 11ರಷ್ಟು ಇಳಿಕೆಯಾಗಿದೆ ಎಂದು ಅಮೆರಿಕನ್ ಎಕ್ಸ್‌ಪ್ರೆಸ್ ಏಷಿಯಾ ಫೆಸಿಫಿಕ್ ಬಿಸಿನೆಸ್ ಟ್ರಾವೆಲ್ ಮಾನಿಟರ್ ತಿಳಿಸಿದೆ. ಏಷಿಯಾ ಫೆಸಿಫಿಕ್‌ನಿಂದ ಅಮೆರಿಕ ಹಾಗೂ ಮಧ್ಯ ಏಷಿಯಾ ಫೆಸಿಫಿಕ್ ರಾಷ್ಟ್ರಗಳಿಗೆ ತೆರಳುವ ಮಾರ್ಗಗಳ ವಿಮಾನ ಇಂಧನ ದರದಲ್ಲಿ ಕೂಡಾ ಭಾರಿ ಹೆಚ್ಚಳವಾಗಿದೆ ಪ್ರಮುಖ ವಿಮಾನಯಾನ ಸಂಸ್ಥೆಗಳು ತಿಳಿಸಿವೆ.