ದರ ಹೆಚ್ಚಿಸದಿರಲು ಕೈಗಾರಿಕೆಗಳಿಗೆ ಸೂಚನೆ   ನವದೆಹಲಿ, ಶನಿವಾರ, 31 ಮೇ 2008( 15:32 IST )

ನವದೆಹಲಿ :ಕಚ್ಚಾ ತೈಲಗಳ ದರ ಏರಿಕೆಯಿಂದಾಗಿ ಹಣದುಬ್ಬರ ಶೇ8 ರ ಗಡಿದಾಟಿದ ಹಿನ್ನೆಲೆಯಲ್ಲಿ ಕೈಗಾರಿಕೆಗಳು ಉತ್ಪನ್ನಗಳ ದರವನ್ನು ಹೆಚ್ಚಿಸದೆ, ಪೂರೈಕೆ ಹಾಗೂ ಸರಬರಾಜುವಿನಲ್ಲಿ ಹಂದಾಣಿಕೆ ಕೊರತೆಯಾಗದಂತೆ ಎಚ್ಚರವಹಿಸಬೇಕು ಎಂದು ಕೇಂದ್ರ ಹಣಕಾಸು ಖಾತೆ ಸಚಿವ ಪಿ.ಚಿದಂಬರಂ ತಿಳಿಸಿದ್ದಾರೆ. ಕೈಗಾರಿಕೆಗಳು ಸಾಧ್ಯವಾದಷ್ಟು ದರವನ್ನು ನಿಯಂತ್ರಿಸಲು ಪ್ರಯತ್ನಿಸಬೇಕು. ಉತ್ಪಾದನೆ ವೆಚ್ಚ ಹೆಚ್ಚಾದಂತೆ ಮಾರುಕಟ್ಟೆಯ ದರವು ಹೆಚ್ಚಾಗುತ್ತದೆ. ಆದರೆ ಕೈಗಾರಿಕೆಗಳು ಆದಷ್ಟು ದರವನ್ನು ಹಿಡಿತದಲ್ಲಿಡಲು ಪ್ರಯತ್ನಿಸಬೇಕು ಎಂದು ಅಸೋಚಾಮ್ ಆಯೋಜಿಸಿದ ಸಭೆಯಲ್ಲಿ ಪಿ.ಚಿದಂಬರಂ ತಿಳಿಸಿದ್ದಾರೆ. ಕಚ್ಚಾ ತೈಲ ಪ್ರತಿ ಬ್ಯಾರೆಲ್‌ಗೆ 130 ಡಾಲರ್‌ಗಳಿಗೆ ತಲುಪಿದ್ದರಿಂದ ವಿಶೇಷವಾಗಿ ಅಹಾರ ಧಾನ್ಯಗಳ ದರಗಳಲ್ಲಿ ಏರಿಕೆಯಾಗಿದ್ದು ಸಂಕಷ್ಟದ ಸಂದರ್ಭದಲ್ಲಿ ಎಲ್ಲ ಭಾರತೀಯರು ಒಂದಾಗಿ ಕರ್ತವ್ಯ ನಿರ್ವಹಿಸಬೇಕಾಗಿದೆ ಎಂದು ಕರೆ ನೀಡಿದ್ದಾರೆ.