ಬೆಲೆ ಏರಿಕೆ ಆರ್ಥಿಕ ಸ್ಥಿರತೆಗೆ ಧಕ್ಕೆ: ಎಡಿಬಿ   ದಕ್ಷಿಣ ಕೊರಿಯಾ, ಸೋಮವಾರ, 16 ಜೂನ್ 2008( 17:05 IST )

ಉತ್ತಮ ಪ್ರಗತಿಯ ನಡುವೆಯೂ, ಗಗನಕ್ಕೇರುತ್ತಿರುವ ಆಹಾರ ಬೆಲೆಯು ಆರ್ಥಿಕತೆಯನ್ನು ಮಂದಗೊಳಿಸುವುದರ ಜೊತೆಗೆ ರಾಜಕೀಯ ವಿವಾದಗಳನ್ನೂ ಹೆಚ್ಚುಗೊಳಿಸುತ್ತದೆ ಎಂದು ಏಸಿಯನ್ ಅಭಿವೃದ್ಧಿ ಬ್ಯಾಂಕ್ ಸೋಮವಾರ ಎಚ್ಚರಿಸಿದೆ. ಆಹಾರ ಬೆಲೆಯಲ್ಲಿನ ಸ್ಫೋಟವು ದೇಶದ ಆರ್ಥಿಕ ಸ್ಥಿರತೆಯ ಮೇಲೆ ಪ್ರಭಾವ ಬೀರುವುದಲ್ಲದೆ,ಸ ಆಹಾರವನ್ನು ಆಮದು ಮಾಡಿಕೊಳ್ಳುವ ದೇಶಗಳ ಆರ್ಥಿಕ ವೆಚ್ಚವನ್ನು ಇನ್ನಷ್ಟು ಹೆಚ್ಚುಗೊಳಿಸಲಿದೆ ಎಂದು ಎಡಿಬಿ ತಿಳಿಸಿದೆ. ಆಹಾರ ಬೆಲೆ ಏರಿಕೆ ಸಮಸ್ಯೆಯು ಆರ್ಥಿಕತೆಯನ್ನು ಸೂಕ್ಷ್ಮಗೊಳಿಸುವುದರ ಜೊತೆಗೆ ರಾಜಕೀಯ ವಿವಾದಗಳಿಗೂ ಎಡೆ ಮಾಡಿಕೊಡುತ್ತದೆ ಎಂದು ಹಣಕಾಸು ಸಚಿವರುಗಳ ಏಶಿಯಾ ಯುರೋಪ್ ಸಭೆಯ ವೇಳೆ ಎಡಿಬಿ ಸ್ಪಷ್ಟಪಡಿಸಿದೆ. ಗಣನೀಯ ಪ್ರಮಾಣದ ಅಭಿವೃದ್ಧಿಯ ನಡುವೆಯೂ, ಏಶಿಯಾವು ನಿರೀಕ್ಷಿತ ಅಮೆರಿಕ ಹಿಂಜರಿತಕ್ಕಿಂತಲೂ ಹೆಚ್ಚಿನ ರೀತಿಯ ಅಪಾಯವನ್ನು ಎದುರಿಸುತ್ತಿದೆ ಎಂದು ಎಡಿಬಿ ಹೇಳಿದೆ.