ವಿಮಾ ಉತ್ಪನ್ನಗಳು ಸರಳವಾಗಿರಬೇಕು: ಚಿದಂಬರಂ   ಬೆಂಗಳೂರು, ಸೋಮವಾರ, 16 ಜೂನ್ 2008( 18:02 IST )

ವಿಮಾ ಉತ್ಪನ್ನಗಳು ಸರಳವಾಗಿದ್ದು, ಕಡಿಮೆ ಆದಾಯವನ್ನು ಹೊಂದಿದ ಮತ್ತು ಗ್ರಾಮೀಣ ಜನತೆಗೂ ಕೂಡಾ ಸಾಧ್ಯವಾಗುವಂತಿರಬೇಕೆಂದು ಹಣಕಾಸು ಸಚಿವ ಚಿದಂಬರಂ ತಿಳಿಸಿದ್ದಾರೆ. ಭಾರತದಲ್ಲಿ ವಿಮಾ ವ್ಯಾಪ್ತಿಪ್ರದೇಶವು ಕಡಿಮೆ ಇರುವುದಾಗಿ ತಿಳಿಸಿದ ಅವರು, ಕಡಿಮೆ ವಿಮಾ ಬಳಕೆದಾರರ ದೇಶಗಳಲ್ಲಿ ಭಾರತವು ಕೂಡಾ ಒಂದಾಗಿದೆ ಎಂದು ಹೇಳಿದರು. ಈ ನಿಟ್ಟಿನಲ್ಲಿ ಇನ್ಶೂರೆನ್ಸ್ ಉತ್ಪನ್ನಗಳು ಗ್ರಾಮೀಣ ಜನತೆಯನ್ನು ಕೂಡಾ ತಲುಪುವ ಅಗತ್ಯವಿದೆ ಎಂದು ಅವರು ಸ್ಪಷ್ಟಪಡಿಸಿದರು. ಗ್ರಾಮೀಣ ಪ್ರದೇಶದಲ್ಲಿ ವಿಮಾ ಉತ್ಪನ್ನಗಳನ್ನು ಮಾರಾಟ ಮಾಡುವವರು ಗ್ರಾಮೀಣ ಜನತೆಯ ಭಾಷೆಗಳನ್ನು, ಅವರ ಆತಂಕಗಳನ್ನು ಅರ್ಥೈಸಿಕೊಳ್ಳಲು ಶಕ್ತರಾಗಿರಬೇಕು. ಮತ್ತು ವಿಮಾ ಯೋಜನೆಯತ್ತ ಗ್ರಾಮೀಣ ಜನರನ್ನು ಆಕರ್ಷಿಸುವಂತಹ ಉತ್ಪನ್ನಗಳನ್ನು ಇನ್ಷೂರೆನ್ಸ್ ಹೊಂದಿರಬೇಕೆಂದು ಚಿದಂಬರಂ ಸಲಹೆ ನೀಡಿದ್ದಾರೆ.