ವಿಚಾರಣೆಗೊಳಪಡಲಿರುವ ಯಾಹೂ-ಗೂಗಲ್ ಒಪ್ಪಂದ   ವಾಷಿಂಗ್ಟನ್, ಗುರುವಾರ, 19 ಜೂನ್ 2008( 11:48 IST )

ಜಾಹೀರಾತು ಆದಾಯ ಹಂಚಿಕೆಯ ಒಪ್ಪಂದದ ಕುರಿತಾಗಿ ಗೂಗಲ್ ಇಂಕ್ ಮತ್ತು ಯಾಹೂ ಇಂಕ್ ಅಮೆರಿಕ ನ್ಯಾಯಾಂಗ ಇಲಾಖೆಯಿಂದ ವಿಚಾರಣೆಗೊಳಪಡಲಿದೆ. ಕಳೆದ ವಾರ ಸರ್ಚ್ ಇಂಜಿನ್ ದೈತ್ಯ ಗೂಗಲ್ ಮತ್ತು ಯಾಹೂ ಇಂಕ್ ಜಾಹೀರಾತು ಕುರಿತಾದ ಒಪ್ಪಂದಕ್ಕೆ ಸಹಿ ಹಾಕಿದ್ದು, ಈ ಒಪ್ಪಂದದಿಂದ ಯಾಹೂವಿನ ವಾರ್ಷಿಕ ಆದಾಯವು 250 ದಶಲಕ್ಷ ಡಾಲರ್‌ನಿಂದ 450 ದಶಲಕ್ಷ ಡಾಲರ್‌ಗೆ ಏರಿಕೆಗೊಳ್ಳಲಿದೆ ಎಂದು ತಿಳಿಸಿತ್ತು. ಗೂಗಲ್‌ಗೆ ಪ್ರಬಲ ಸ್ಪರ್ಧೆಗಳನ್ನು ಒಡ್ಡಲು ಯಾಹೂ ಅವಕಾಶಗಳನ್ನು ತಗ್ಗಿಸುತ್ತದೆ ಯಾಕೆಂದರೆ ಯಾವ ಕಂಪನಿ ಜಾಹೀರಾತು ನೀಡಿದರೂ ಲಾಭವು ಮಾತ್ರ ಯಾಹೂಗೆ ಸಂದಾಯವಾಗುತ್ತದೆ ಎಂದು ಆಂಟಿಟ್ರಸ್ಟ್ ಅಟರ್ನರಿ ಮತ್ತು ಮಾಜಿ ಉಪ ಅಟರ್ನರಿ ಜನರಲ್ ಸೂಚಿಸಿದ್ದಾರೆ. ಆದರೆ, ಯಾಹೂ ಮತ್ತು ಗೂಗಲ್ ನಡುವಿನ ಒಪ್ಪಂದವು ಸೀಮಿತವಷ್ಟೇ ಆಗಿದ್ದು, ಎರಡೂ ಕಂಪನಿಗಳು ಪ್ರಬಲ ಸ್ನತಂತ್ರ ಕಂಪನಿಗಳಾಗಿ ತಮ್ಮ ವ್ಯವಹಾರವನ್ನು ಮುಂದುವರಿಸುತ್ತವೆ ಎಂದು ಯಾಹೂ ವಕೀಲರು ವಾದಿಸಿದ್ದಾರೆ.