ಗೋಧಿ ಉತ್ಪಾದನೆಯಲ್ಲಿ ಹೆಚ್ಚಳ   ನವದೆಹಲಿ, ಗುರುವಾರ, 19 ಜೂನ್ 2008( 14:29 IST )

ದೇಶದ ಗೋಧಿ ಉತ್ಪಾದನೆಯು 2007-8ರ ಅವಧಿಯಲ್ಲಿ 78 ದಶಲಕ್ಷ ಟನ್‌ಗಳಿಗೆ ತಲುಪಿದ್ದು, ಇದು ಸರಕಾರದ ನಿರೀಕ್ಷಿತ ಮಟ್ಟಕ್ಕಿಂತ ಹೆಚ್ಚಾಗಿದೆ. ಈ ಅವಧಿಯಲ್ಲಿ ಗೋಧಿ ಉತ್ಪಾದನೆಯು 78 ದಶಲಕ್ಷ ಟನ್‌ಗಳಿಗೆ ತಲುಪಿದೆ ಎಂದು ಭಾರತೀಯ ಆಹಾರ ಸಂಸ್ಥೆಯ ಅಧ್ಯಕ್ಷ ಮತ್ತು ಆಡಳಿತ ನಿರ್ದೇಶಕ ಅಲೋಕ್ ಸಿನ್ಹಾ ತಿಳಿಸಿದ್ದಾರೆ. ಕಳೆದ ವರ್ಷದ 75.81 ದಶಲಕ್ಷ ಟನ್ ಗೋಧಿ ಉತ್ಪಾದನೆಯನ್ನು ಆಧರಿಸಿ ಸರಕಾರವು ತನ್ನ ಪೂರ್ವ ಅಂದಾಜಿನಲ್ಲಿ 2007-08ರ ಅವಧಿಯಲ್ಲಿ 76.78 ದಶಲಕ್ಷ ಟನ್ ಗೋಧಿ ಉತ್ಪಾದನೆಯನ್ನು ನಿರೀಕ್ಷಿಸಿತ್ತು. ದಾಖಲೆಯುತ ಉತ್ಪಾದನೆ ಮತ್ತು ಗರಿಷ್ಠ ಬೆಂಬಲ ಬೆಲೆಯ ಕಾರಣದಿಂದಾಗಿ, ಆಹಾರ ಉತ್ಪನ್ನ ಸಂಗ್ರಹಣಾ ಮತ್ತು ಸರಬರಾಜು ಸಂಸ್ಥೆಯು ರಾಜ್ಯ ಸಂಸ್ಥೆಗಳೊಂದಿಗೆ ಸುಮಾರು 22.14 ದಶಲಕ್ಷ ಟನ್ ಗೋಧಿಯನ್ನು ಸಂಗ್ರಹಸಿದೆ. ಅತಿ ಹೆಚ್ಚು ಗೋಧಿ ಬೇಡಿಕೆಯ ಸಮಯದಲ್ಲಿ ಗೋಧಿ ಸಂಗ್ರಹಣೆಯನ್ನು ವೃದ್ಧಿಗೊಳಿಸುವ ನಿಟ್ಟಿನಲ್ಲಿ ಸರಕಾರವು ಗೋಧಿಗೆ ಪ್ರತಿ ಕ್ವಿಂಟಾಲಿಗೆ ರೂ.1000 ಕನಿಷ್ಟ ಬೆಂಬಲ ಬೆಲೆಯನ್ನು ನಿಗದಿಪಡಿಸಿತ್ತು. ಕಳೆದ ವರ್ಷ ಮಂದ ಗೋಧಿ ಸಂಗ್ರಹಣೆಯಿಂದಾಗಿ ಕೇಂದ್ರವು 7.3 ದಶಲಕ್ಷ ಟನ್ ಗೋಧಿಯನ್ನು ಆಮದುಮಾಡಿಕೊಂಡಿದ್ದು.