ಏಶಿಯನ್ ಮಾರುಕಟ್ಟೆಯಲ್ಲಿ ತೈಲ ಬೆಲೆ ಇಳಿಕೆ   ಸಿಂಗಾಪುರ್, ಶುಕ್ರವಾರ, 20 ಜೂನ್ 2008( 14:29 IST )

ತೈಲ ಬೆಲೆ ಉತ್ಪಾದನೆಯನ್ನು ಹೆಚ್ಚಿಸುವುದಾಗಿ ಸೌದಿ ಅರೇಬಿಯಾ ಘೋಷಿಸಿದ ನಂತರ ಮತ್ತು ಚೀನಾವು ತನ್ನ ದೇಶೀಯ ತೈಲಬೆಲೆಯನ್ನು ಹೆಚ್ಚಳಗೊಳಿಸಿದ ನಂತರ, ಏಶಿಯನ್ ಮಾರುಕಟ್ಟೆಯಲ್ಲಿ ಶುಕ್ರವಾರ ತೈಲ ಬೆಲೆಯಲ್ಲಿ ಐದು ಡಾಲರ್‌ನಷ್ಟು ಇಳಿಕೆ ಉಂಟಾಗಿದೆ. ಒಪಿಇಸಿಯ ಅತಿ ದೊಡ್ಡ ತೈಲ ಉತ್ಪಾದಕ ಸಂಸ್ಥೆಯಾದ ಸೌದಿ ಅರೇಬಿಯಾಸ ಪ್ರತಿದಿನದಲ್ಲಿ 200,000 ಬ್ಯಾರೆಲ್ ಹೆಚ್ಚುವರಿ ತೈಲ ಉತ್ಪಾದಿಸುವುದಾಗಿ ಘೋಷಿಸಿತ್ತು. ಚೀನಾವು ಶುಕ್ರವಾರದಿಂದ ಪೆಟ್ರೋಲ್ ಮತ್ತು ಡೀಸೆಲ್ ಬೆಲೆಯನ್ನು ಶೇ.16ರಷ್ಟು ಹೆಚ್ಚುಗೊಳಿಸಲಿದೆ ಎಂದು ಸುದ್ದಿ ಸಂಸ್ಥೆಗಳು ತಿಳಿಸಿವೆ. ಅಂತಾರಾಷ್ಟ್ರೀಯ ಕಚ್ಛಾತೈಲ ಬೆಲೆ ಮತ್ತು ದೇಶೀಯ ತೈಲ ಬೆಲೆಯ ನಡುವೆ ಹೆಚ್ಚುತ್ತಿರುವ ಅಂತರವನ್ನು ಸಮತೋಲನಗೊಳಿಸುವ ನಿಟ್ಟಿನಲ್ಲಿ ಚೀನಾವು ಈ ನಿರ್ಧಾರವನ್ನು ಕೈಗೊಂಡಿದೆ.