ಬ್ಯಾಂಕಿಂಗ್ ಕ್ಷೇತ್ರದಲ್ಲಿ ಮುಂಚೂಣಿಯಲ್ಲಿರುವ ಎಚ್ಡಿಎಫ್ಸಿ ಬ್ಯಾಂಕ್ ಪ್ರಧಾನ ಸಾಲ ಬಡ್ಡಿದರವನ್ನು ಶೇ.0.25ಕ್ಕೆ ಹೆಚ್ಚಿಸಿದೆ.
ಎಚ್ಡಿಎಫ್ಸಿ ಬ್ಯಾಂಕ್ ಸಾಲ ಬಡ್ಡಿದರವನ್ನು ಶೇ.15.25ಕ್ಕೆ ಏರಿಸಿದ್ದು, ಈ ಬೆಳವಣಿಗೆಯು ಈ ತಿಂಗಳಲ್ಲೇ ಜಾರಿಗೆ ಬರಲಿದೆ ಎಂದು ಎಚ್ಡಿಎಫ್ಸಿ ವಕ್ತಾರರು ಸುದ್ದಿಸಂಸ್ಥೆಗಳಿಗೆ ತಿಳಿಸಿದ್ದಾರೆ.
ಭಾರತೀಯ ರಿಸರ್ವ್ ಬ್ಯಾಂಕ್ ರೇಪೋ ದರವನ್ನು ಶೇ.0.25ಗೆ ಏರಿಸಿದ್ದ ಹಿನ್ನೆಲೆಯಲ್ಲಿ, ಇತರ ಬ್ಯಾಂಕುಗಳಾದ ಜೆ ಆಂಡ್ ಕೆ ಹಾಗೂ ಯೆಸ್ ಬ್ಯಾಂಕ್ ಈಗಾಗಲೇ ಪ್ರಧಾನ ಸಾಲ ಬಡ್ಡಿದರವನ್ನು ಹೆಚ್ಚಳಗೊಳಿಸಿದೆ.
ಸ್ಟೇಟ್ ಬ್ಯಾಂಕ್ ಮತ್ತು ಇತರ ಕೆಲವು ಬ್ಯಾಂಕುಗಳು ಕೂಡಾ ಸಾಲ ಬಡ್ಡಿದರವನ್ನು ಏರಿಸುವ ಬಗ್ಗೆ ಮುಂದಿನ ಕೆಲವು ದಿನಗಳಲ್ಲಿ ನಿರ್ಧಾರವನ್ನು ತೆಗೆದುಕೊಳ್ಳಲಿವೆ.
|