ಅನಿಲ್ ಅಂಬಾನಿ ನೇತೃತ್ವದ ರಿಲಾಯನ್ಸ್ ಕಮ್ಯುನಿಕೇಶನ್ಸ್ ಮತ್ತು ದಕ್ಷಿಣ ಆಫ್ರಿಕಾದ ಎಂಟಿಎನ್ ನಡುವಿನ ಒಪ್ಪಂದವು ಜುಲೈ ಮೊದಲ ವಾರದಲ್ಲಿ ಅಂತ್ಯಗೊಳ್ಳುವ ನಿರೀಕ್ಷೆಯಿದ್ದು, ಇದರ ಮೂಲಕ 70 ದಶಲಕ್ಷ ಮೌಲ್ಯದ ಸುಮಾರು ಶೇ.40ರಷ್ಟು ಪಾಲನ್ನು ರಿಲಾಯನ್ಸ್ ಪಡೆದುಕೊಳ್ಳಲಿದೆ.
ಮೇ ಕೊನೆಯ ವಾರದಿಂದ ಎರಡೂ ಕಂಪನಿಗಳು ಪ್ರತ್ಯೇಕ ಮಾತುಕತೆಯಲ್ಲಿ ತೊಡಗಿದ್ದು, ಅಂತಿಮ ಹಂತದ ಮಾತುಕತೆಯು ಜುಲೈ ತಿಂಗಳ ಮೊದಲ ವಾರದಲ್ಲಿ ನಡೆಯಲಿದೆ ಎಂದು ಬೆಳವಣಿಗೆಗೆ ಸಮೀಪದ ಮೂಲಗಳು ತಿಳಿಸಿವೆ.
ವಿಲೀನ ಸಂಸ್ಥೆಯ ಕುರಿತಾದ ಸಂಪೂರ್ಣ ವಿವರಗಳನ್ನು ನೀಡಲು ನಿರಾಕರಿಸಿದ ಮೂಲವು, ಅಂತಿಮ ಮಾತುಕತೆಯು ಪ್ರಗತಿಯ ಹಂತದಲ್ಲಿದ್ದು, ಶೇ.30-40 ಪಾಲಿನೊಂದಿಗೆ ಎಂಟಿಎನ್ನ ಉಪಸಂಸ್ಥೆಯಾಗಿ ರಿಲಾಯನ್ಸ್ ಕಮ್ಯುನಿಕೇಶನ್ ಹೊರಹೊಮ್ಮಲಿದೆ ಎಂಬ ಸುಳಿವು ನೀಡಿದೆ.
ಒಪ್ಪಂದದ ಕುರಿತಾಗಿ ವಿಸ್ತೃತ ಮಾತುಕತೆಯನ್ನು ನಡೆಸಲು ಎಂಟಿಎನ್ ಮತ್ತು ರಿಲಾಯನ್ಸ್ ಕಮ್ಯುನಿಕೇಶನ್ಸ್ ಭಾರತ ಹಾಗೂ ದಕ್ಷಿಣ ಆಫ್ರಿಕಾಗೆ ಭೇಟಿ ನೀಡಿದ್ದು, ಮಾತುಕತೆಯು ಸುಗಮವಾಗಿ ಸಾಗುತ್ತಿದೆ ಎಂದು ಮೂಲಗಳು ಹೇಳಿವೆ.
|