ದುಡಿಯುವ ವರ್ಗದ ವ್ಯಯ ಪ್ರಮಾಣ ಹೆಚ್ಚಳ:ಸಮೀಕ್ಷೆ   ಬೆಂಗಳೂರು, ಶನಿವಾರ, 28 ಜೂನ್ 2008( 16:42 IST )

ಮಾಸಿಕ ವೇತನವು ಹೆಚ್ಚುಗೊಳ್ಳುತ್ತಿರುವುದರೊಂದಿಗೆ, ಭಾರತದ ದುಡಿಯುವ ವರ್ಗವು ಗೃಹ, ಶಿಕ್ಷಣ, ಆರೋಗ್ಯ, ಸಾರಿಗೆ ಮತ್ತು ಸಂಪರ್ಕಗಳಿಗಾಗಿ ಹೆಚ್ಚು ವ್ಯಯ ಮಾಡುತ್ತಾರೆ ಎಂದು ಸಮೀಕ್ಷೆಯು ತಿಳಿಸಿದೆ. ದೇಶದಲ್ಲಿನ ಸುಮಾರು ಶೇ.41ರಷ್ಟು ದುಡಿಯುವ ವರ್ಗದ ಕುಟುಂಬವು ಸ್ವತಂತ್ರ ನಿವಾಸವನ್ನು ಹೊಂದಿದೆ ಎಂದು ಕಾರ್ಮಿಕ ಮತ್ತು ಉದ್ಯೋಗ ಸಚಿವಾಲಯದ ಸಮೀಕ್ಷೆಯು ಹೇಳಿದೆ. ಗೃಹ ಖರ್ಚುವೆಚ್ಚವು ಈ ವರ್ಷ ಶೇ.16.01ಕ್ಕೆ ಏರಿದ್ದು, ದುಡಿಯುವ ವರ್ಗವು ವ್ಯಯ ಮಾಡುವ ಪ್ರಮಾಣದಲ್ಲೂ ಕಳೆದ ವರ್ಷಕ್ಕಿಂತ ಹೆಚ್ಚಳ ಉಂಟಾಗಿದೆ ಎಂದು ಸಮೀಕ್ಷೆಯು ಹೇಳಿದೆ.ಪ್ರತಿ ಕುಟುಂಬದ ಸರಾಸರಿ ಮಾಸಿಕ ವೇತನ ಮತ್ತು ತಲಾ ಆದಾಯದಲ್ಲೂ ಏರಿಕೆ ಉಂಟಾಗಿದೆ ಎಂದು ನುಡಿದಿದೆ. ಆಹಾರ ಉತ್ಪನ್ನಗಳಿಗಾಗು ದುಡಿಯುವ ವರ್ಗವು ಶೇ.56.95ರಷ್ಟು ವೆಚ್ಚ ಮಾಡಿದರೆ, ವೈದ್ಯಕೀಯ ಸಂಬಂಧಿ ಖರ್ಚಿನ ಪ್ರಮಾಣವು ಶೇ.2.54ರಷ್ಟು ಹೆಚ್ಚಳಗೊಂಡಿದೆ ಎಂದು ಸಮೀಕ್ಷೆಯು ತಿಳಿಸಿದೆ.