ಪ್ರಸಕ್ತ ಹಣಕಾಸು ವರ್ಷದಲ್ಲಿ ಸುಮಾರು 5000 ಕೋಟಿ ವಹಿವಾಟು ನಡೆಸುವ ಗುರಿಯೊಂದಿಗೆ, ಪ್ಯೂಚರ್ ಸಮೂಹದ ರಖಂ ವ್ಯಾಪಾರ ಸಂಸ್ಥೆ ಬಿಗ್ ಬಜಾರ್ ಹೆಚ್ಚುವರಿ 61 ಮಳಿಗೆಗಳನ್ನು ಈ ವರ್ಷಾಂತ್ಯದೊಳಗೆ ಪ್ರಾರಂಭಿಸಲಿದೆ ಎಂದು ಬಿಗ್ ಬಜಾರ್ ತಿಳಿಸಿದೆ.
ಕಂಪನಿಯು ಪ್ರಸಕ್ತ ಹಣಕಾಸು ವರ್ಷಗಲ್ಲಿ ಸುಮಾರು 5000 ಕೋಟಿ ವಹಿವಾಟು ನಡೆಸುವ ಗುರಿಯನ್ನು ಹೊಂದಿದ್ದು, ಯೋಜನೆಯ ಭಾಗವಾಗಿ, ದೇಶದಾದ್ಯಂತ 61 ಮಳಿಗೆಗಳನ್ನು ಬಿಗ್ ಬಜಾರ್ ಪ್ರಾರಂಭಿಸಲಿದೆ ಎಂದು ಬಿಗ್ ಬಜಾರ್ ಮೂಲಗಳು ಹೇಳಿವೆ.
ಸುಮಾರು 30,000-1,25,000 ಚದರ ಅಡಿ ಜಾಗದಲ್ಲಿ ನೂತನ ಬಿಗ್ ಬಜಾರ್ ಮಳಿಗೆಗಳು ಸ್ಥಾಪನೆಗೊಳ್ಳಲಿದ್ದು, ನೂತನ ಮಳಿಗೆ ಪ್ರಾರಂಭದ ನಂತರ ದೇಶದಲ್ಲಿ ಒಟ್ಟು ಬಿಗ್ ಬಜಾರ್ ಮಳಿಗೆಗಳ ಸಂಖ್ಯೆಯು 150ಕ್ಕೆ ಏರಲಿದೆ ಎಂದು ಬಿಗ್ ಬಜಾರ್ ತಿಳಿಸಿದೆ.
ಹೆಚ್ಚಿನ ನೂತನ ಮಳಿಗೆಗಳನ್ನು ಟೈಯರ್ 2 ನಗರಗಳಲ್ಲಿ ಮತ್ತು ಸಣ್ಣ ನಗರಗಳಲ್ಲಿ ಸ್ಥಾಪಿಸಲಾಗುವುದು. ಪ್ರಸಕ್ತ ಬಿಗ್ ಬಜಾರ್ 16 ಟಯರ್ 2 ನಗರಗಳಲ್ಲಿ ಮತ್ತು ಸಣ್ಣ ನಗರಗಳಲ್ಲಿ ವಹಿವಾಟನ್ನು ನಡೆಸುತ್ತಿದೆ.
|