ಅಮೆರಿಕ ಕಚ್ಚಾತೈಲ ಸಂಗ್ರಹಣೆಯಲ್ಲಿ ನಿರೀಕ್ಷಿತ ಮಟ್ಟಕ್ಕಿಂತ ಇಳಿಕೆ ಉಂಟಾದ ಪರಿಣಾಮವಾಗಿ ಮತ್ತು ಇರಾನ್ನೊಂದಿಗಿನ ಅಮೆರಿಕದ ಬಿಕ್ಕಟ್ಟಿನ ಕುರಿತಾಗಿ ವ್ಯಾಪಾರಿಗಳಲ್ಲಿ ಉಂಟಾದ ಭೀತಿಯ ಹೆಚ್ಚಳದ ಹಿನ್ನೆಲೆಯಲ್ಲಿ, ಜಾಗತಿಕ ಕಚ್ಛಾತೈಲ ಬೆಲೆಯು ಬ್ಯಾರಲ್ಗೆ 144 ಡಾಲರ್ಗೆ ಏರುವ ಮೂಲಕ ನೂತನ ದಾಖಲೆ ಸೃಷ್ಟಿಸಿದೆ.
ಆಗಸ್ಟ್ ತಿಂಗಳ ವಿತರಣೆಗಾಗಿ ಇರುವ ಸ್ವೀಟ್ ಲೈಟ್ ಕಚ್ಛಾತೈಲ ಬೆಲೆಯು ನ್ಯೂಯಾರ್ಕ್ನ ಮರ್ಚಂಟೈಲ್ ವಿನಿಮಯ ಕೇಂದ್ರದಲ್ಲಿ 144.32 ಡಾಲರ್ಗೆ ಏರಿದೆ. ಲಂಡನ್ನ ಬ್ರೆಂಟ್ ಕಚ್ಛಾತೈಲವು 3.59 ಡಾಲರ್ಗಳಷ್ಟು ಏರಿಕೆ ಕಂಡು, ಬ್ಯಾರಲ್ಗೆ 144.26 ಡಾಲರ್ಗೆ ತಲುಪಿದೆ.
ಆರ್ಥಿಕವಾಗಿ ಅಭಿವೃದ್ಧಿ ಹೊಂದುತ್ತಿರುವ ರಾಷ್ಟ್ರಗಳಾದ ಭಾರತ ಮತ್ತು ಚೀನಾದ ತೈಲ ಬೆಲೆ ಬೇಡಿಕೆಯಲ್ಲಿನ ಹೆಚ್ಚಳ ಉಂಟಾಗುವುದರೊಂದಿಗೆ, 2002ರ ವೇಳೆಗಿಂತ ಜಾಗತಿಕ ಕಚ್ಛಾತೈಲ ಬೆಲೆಯು ಏಳುಪಟ್ಟು ಏರಿಕೆ ಕಂಡಿದೆ.
ಕಳೆದ ವಾರ ಕಚ್ಛಾತೈಲ ಪೂರೈಕೆಯು ಎರಡು ಮಿಲಿಯನ್ ಬ್ಯಾರಲ್ಗಳಷ್ಟು ಇಳಿಕೆಗೊಂಡಿತ್ತು ಎಂದು ಸಮೀಕ್ಷೆಯನ್ನು ಆಧರಿಸಿ ಇಂಧನ ಇಲಾಖೆಯು ಹೇಳಿದೆ.
|