ಹತ್ತಿ ರಫ್ತು ನಿಷೇಧವಿಲ್ಲ: ಸರಕಾರ ಸ್ಪಷ್ಟನೆ   ನವದೆಹಲಿ, ಸೋಮವಾರ, 7 ಜುಲೈ 2008( 10:19 IST )

ಹತ್ತಿಯ ಮೇಲಿನ ಆಮದು ಸುಂಕವನ್ನು ಕಡಿತಗೊಳಿಸುವ ಹಾಗೂ ಹತ್ತಿ ರಫ್ತನ್ನು ನಿಷೇಧಿಸುವ ಯೋಜನೆಯನ್ನು ಸರಕಾರವು ಹೊಂದಿಲ್ಲ ಎಂದು ಸರಕಾರವು ಸ್ಪಷ್ಟಪಡಿಸಿದೆ. ಸದ್ಯಕ್ಕೆ, ಹತ್ತಿಯ ಮೇಲಿನ ಆಮದು ಸುಂಕ ಮಾಡುವ ಉದ್ದೇಶವನ್ನು ಸರಕಾರವು ಹೊಂದಿಲ್ಲ ಎಂದು ವಾಣಿಜ್ಯ ಕಾರ್ಯದರ್ಶಿ ಗೋಪಾಲ್ ಪಿಳ್ಳೈ ತಿಳಿಸಿದ್ದಾರೆ. ಪ್ರಸಕ್ತ, ಹತ್ತಿಯ ಮೇಲೆ ಶೇ.ಹತ್ತರಷ್ಟು ಸೀಮಾಸುಂಕವಿದ್ದು, ಶೇ.ನಾಲ್ಕು ಆಮದು ಸುಂಕವಿದೆ. ದೇಶದಲ್ಲಿರುವ ಹತ್ತಿ ಬೆಲೆಗಿಂತ ಜಾಗತಿಕ ಮಾರುಕಟ್ಟೆಯಲ್ಲಿ ಹತ್ತಿ ಬೆಲೆಯಲ್ಲಿ ಇಳಿಕೆ ಉಂಟಾಗಿದ್ದು, ಹತ್ತಿ ರಫ್ತನ್ನು ನಿಷೇಧಿಸುವ ಜವಳಿ ಉದ್ಯಮಗಳ ಬೇಡಿಕೆಯಂತೆ ಹತ್ತಿ ರಫ್ತನ್ನು ನಿಷೇಧಿಸುವ ನಿರ್ಧಾರವನ್ನು ಅವರು ತಳ್ಳಿಹಾಕಿದರು. ಅಂತಾರಾಷ್ಟ್ರೀಯ ಬೆಲೆಗಳು ದೇಶೀಯ ಬೆಲೆಗಿಂತ ಕಡಿಮೆ ಇರುವಾಗ ರಫ್ತು ಮೇಲೆ ನಿಷೇಧ ಹೇರುವಲ್ಲಿ ಅರ್ಥವಿಲ್ಲ ಎಂದು ಅವರು ಅಭಿಪ್ರಾಯಪಟ್ಟಿದ್ದಾರೆ. ಪೂರೈಕೆಯನ್ನು ವರ್ಧಿಸುವ ನಿಟ್ಟಿನಲ್ಲಿ, ಸುಂಕರಹಿತ ಹತ್ತಿ ಆಮದಿಗೆ ಮತ್ತು ಕಳೆದ ಒಂದು ವರ್ಷದಲ್ಲಿ ಶೇ.35ರಷ್ಟು ಹೆಚ್ಚಳಗೊಂಡ ಹತ್ತಿ ಬೆಲೆಯನ್ನು ಇಳಿಸುವಂತೆ ದೇಶೀಯ ಜವಳಿ ಉದ್ಯಮವು ಒತ್ತಾಯಿಸುತ್ತಿದೆ.