143 ಡಾಲರ್‌ಗಿಳಿದ ಬ್ಯಾರಲ್ ಕಚ್ಛಾತೈಲ ಬೆಲೆ   ನ್ಯೂಯಾರ್ಕ್, ಸೋಮವಾರ, 7 ಜುಲೈ 2008( 12:28 IST )

ಪರಮಾಣು ವಿವಾದದ ನಿಟ್ಟಿನಲ್ಲಿ ಇರಾನಿನ ಮಾತುಕತೆಯ ಪ್ರಸ್ತಾಪದ ಹಿನ್ನೆಲೆಯಲ್ಲಿ ಏಶಿಯನ್ ಮಾರುಕಟ್ಟೆಯಲ್ಲಿ ಸೋಮವಾರ ತೈಲ ಬೆಲೆಯಲ್ಲಿ ಇಳಿಕೆ ಉಂಟಾಗಿದೆ. ಆಗಸ್ಟ್ ವಿತರಣೆಗಾಗಿರುವ ನ್ಯೂಯಾರ್ಕ್‌ನ ಲೈಟ್ ಸ್ವೀಟ್ ಕಚ್ಛಾತೈಲ ಬೆಲೆಯು 1.56 ಡಾಲರ್‌ನಷ್ಟು ಇಳಿಕೆಗೊಳ್ಳುವ ಮೂಲಕ ಬ್ಯಾರಲ್‌ಗೆ 143,73 ಡಾಲರ್‌ಗೆ ಇಳಿದಿದೆ. ಗುರುವಾರ ಅಂತ್ಯದ ವಹಿವಾಟಿನಲ್ಲಿ ಬ್ಯಾರಲ್ ತೈಲಬೆಲೆಯು 145.29 ಡಾಲರ್‌‍ನಷ್ಟಿತ್ತು. ಆಗಸ್ಟ್ ವಿತರಣೆಗಾಗಿ ಇರುವ ಬ್ರೆಂಟ್ ಕಚ್ಛಾತೈಲ ಬೆಲೆಯು ಬ್ಯಾರಲ್‌ಗೆ 144.41ಕ್ಕೆ ಇಳಿಕೆಗೊಂಡಿದೆ. ಇರಾನಿನ ಪರಮಾಣು ಸಂವರ್ಧನೆಯನ್ನು ನಿಲ್ಲಿಸುವ ನಿಟ್ಟಿನಲ್ಲಿ ಅಂತಾರಾಷ್ಟ್ರೀಯ ಉತ್ತೇಜನಕ್ಕೆ ಪ್ರತಿಕ್ರಿಯೆಯೆಂಬಂತೆ ಪರಮಾಣು ವಿವಾದದ ಕುರಿತಾಗಿ ಮಾತುಕತೆಗೆ ಇರಾನ್ ಪ್ರಸ್ತಾಪಿಸಿತ್ತು.