ಗಗನಕ್ಕೇರುತ್ತಿರುವ ತೈಲ ಬೆಲೆ ಮತ್ತು ಆಹಾರ ಉತ್ಪನ್ನಗಳ ಬೆಲೆಯ ಕುರಿತಾಗಿ ಎಂಟು ಕೈಗಾರಿಕಾ ರಾಷ್ಟ್ರಗಳ ಸಮೂಹ(ಜಿ8)ದ ನಾಯಕರು ಆತಂಕ ವ್ಯಕ್ತಪಡಿಸಿದ್ದು, ಜಾಗತಿಕ ಆರ್ಥಿಕತೆಯ ಬೆಳವಣಿಗೆಯ ಬಗ್ಗೆ ಧನಾತ್ಮಕ ದೃಷ್ಟಿನೋಟವನ್ನು ಹೊಂದಿರುವುದಾಗಿ ಎಂದು ತಿಳಿಸಿದ್ದಾರೆ.
ತೈಲ ಬೆಲೆ ಏರಿಕೆಯು ಜಾಗತಿಕ ಆರ್ಥಿಕತೆಯ ಮೇಲೆ ಅಪಾಯವನ್ನುಂಟುಮಾಡುತ್ತದೆ ಎಂಬುದಾಗಿ ಜಿ8 ನಾಯಕರು ಅಭಿಪ್ರಾಯಪಟ್ಟಿದ್ದು, ಸಣ್ಣಹಂತದಲ್ಲಿ ತೈಲ ಉತ್ಪಾದನೆ ಮತ್ತು ಶುದ್ಧೀಕರಣವನ್ನು ಹೆಚ್ಚಿಸಬೇಕು ಎಂದು ಒತ್ತಾಯಿಸಿದ್ದಾರೆ ಅಲ್ಲದೆ, ಇಂಧನ ದಕ್ಷತೆ ಮತ್ತು ಇಂಧನ ಮೂಲಗಳನ್ನು ವೈವಿಧ್ಯಗೊಳಿಸಲು ಕರೆ ನೀಡಿದ್ದಾರೆ.
ಆಹಾರ ಮತ್ತು ತೈಲ ಬೆಲೆ ಏರಿಕೆಯ ಬಗ್ಗೆ ಅತ್ಯಂತ ಕಳವಳಕಾರಿಯಾಗಿದ್ದು, ವಿಶ್ವದಾದ್ಯಂತ ಸ್ಥಿರ ಅಭಿವೃದ್ಧಿಗೆ ಇದು ಸವಾಲಾಗಿದೆ. ಅಲ್ಲದೆ, ಇದು ಜಾಗತಿಕ ಹಣದುಬ್ಬರ ಏರಿಕೆಗೂ ಪ್ರಚೋದನೆ ನೀಡುತ್ತದೆ ಎಂದು ಜಿ8 ನಾಯಕರು ಅಭಿಪ್ರಾಯಪಟ್ಟಿದ್ದಾರೆ.
|