ಪ್ರಸಕ್ತ ವರ್ಷದಲ್ಲಿ ತೈಲ ರಫ್ತುವಿನಿಂದ ಒಪಿಇಸಿಯ ಆದಾಯವು 1.251 ಟ್ರಿಲಿಯನ್ ಡಾಲರ್ ತಲುಪುವ ಸಾಧ್ಯತೆಯಿದ್ದು, ಇದು ಅಂದಾಜಿನ ಮೊತ್ತ 73 ಬಿಲಿಯನ್ ಡಾಲರ್ಗಿಂತ ಹೆಚ್ಚಾಗಿದೆ ಎಂದು ಅಮೆರಿಕ ಸರಕಾರದ ಪ್ರಮುಖ ಮುನ್ಸೂಚನಾ ಸಂಸ್ಥೆಯು ತಿಳಿಸಿದೆ.
ಪೆಟ್ರೋಲಿಂ ರಫ್ತು ರಾಷ್ಟ್ರಗಳ ಸಮೂಹ(ಒಪಿಇಸಿ)ದ ಒಟ್ಟು ಆದಾಯವು ಪ್ರಸಕ್ತ ವರ್ಷದಲ್ಲಿ 671 ಬಿಲಿಯನ್ ಡಾಲರ್ಗೆ ತಲುಪಲಿದ್ದು, 2009ರ ವೇಳೆಗೆ ಇದು 1.311 ಟ್ರಿಲಿಯನ್ ಡಾಲರ್ಗೆ ಏರಲಿದೆ ಎಂದು ಇಂಧನ ಮಾಹಿತಿ ಸಂಸ್ಥೆಗಳು ತನ್ನ ನೂತನ ಮಾಸಿಕ ಮುನ್ಸೂಚನೆಯಲ್ಲಿ ಹೇಳಿವೆ.
ಕಳೆದ ವಾರ ಬ್ಯಾರಲಿಗೆ 145 ಡಾಲರ್ಗೆ ತಲುಪುವುದರೊಂದಿಗೆ ಗಗನಕ್ಕೇರುತ್ತಿರುವ ಕಚ್ಚಾತೈಲ ಬೆಲೆಯಿಂದ ಒಪಿಇಸಿ ಸದಸ್ಯರು ಅಪಾರ ಹಣವನ್ನು ಸಂಪಾದಿಸುತ್ತಿದ್ದಾರೆ.
ಒಪಿಇಸಿಯ ಒಟ್ಟು ಆದಾಯದಲ್ಲಿ ಸೌದಿ ಅರೇಬಿಯಾವು 192 ಬಿಲಿಯನ್ ಡಾಲರ್ ಗಳಿಸುವ ಮೂಲಕ ಒಟ್ಟು ಆದಾಯದ ಮೂರನೇ ಒಂದು ಪಾಲನ್ನು ಇದು ಪಡೆದುಕೊಂಡಿದೆ ಎಂದು ವರದಿಗಳು ತಿಳಿಸಿವೆ.
|