ತೆರಿಗೆಗಳ್ಳತನದ ಪತ್ತೆಗೆ ಬಿಗಿನೀತಿಯನ್ನು ಅನುಸರಿಸುತ್ತಿರುವ ಸರಕಾರ, ಜಿಎಂಆರ್, ಒಬೆರಾಯ್, ಇಂಡಿಯಾ ಬುಲ್ಸ್ ಮುಂತಾದ ಮುಂಚೂಣಿಯ ಕಂಪೆನಿಗಳಿಗೆ ಸೇರಿದ ವಿಮಾನಗಳನ್ನು ಮುಟ್ಟುಗೋಲು ಹಾಕಿಕೊಂಡಿದೆ. ಸರಕಾರವು ಕಳೆದ ವರ್ಷದಿಂದ ಇಂತಹ ಸುಮಾರು 250 ವಿಮಾನಗಳನ್ನು ವಶಪಡಿಸಿಕೊಂಡಿದೆ ಎಂದು ವೈಮಾನಿಕ ಮೂಲಗಳು ತಿಳಿಸಿವೆ.
ನಿಯಮಿತವಲ್ಲದ ಕಾರ್ಯಾಚರಣಾ ಪರವಾನಗಿ ಯೋಡನಯಡಿ ಅನುಮತಿ ಪಡೆದು ತೆರಿಗೆ ವಂಚನೆ ನಡೆಸಿದ್ದು ಕಂಡುಬಂದಲ್ಲಿ ಅಂತಹ ಸಂಸ್ಥೆಗಳ ವಿರುದ್ಧ ತೆರಿಗೆ ದರದ ಐದು ಪಟ್ಟು ಮೊತ್ತವನ್ನು ದಂಡವಾಗಿ ವಿಧಿಸಲಾಗುವುದು ಎಂದು ಹಣಕಾಸು ಸಚಿವಾಲಯದ ಅಧಿಕಾರಿಗಳು ತಿಳಿಸಿದ್ದಾರೆ.
ಪ್ರಸಕ್ತ ತಿಂಗಳಿನಲ್ಲಿ 6 ವಿಮಾನಗಳನ್ನು ವಶಪಡಿಸಿಕೊಳ್ಳಲಾಗಿದ್ದು, ವಿಮಾನಗಳ ಮಾಲಿಕರ ಬ್ಯಾಂಕ್ ಭಧ್ರತೆ ಹಾಗೂ ವಿಮಾನದ ಖರೀದಿ ದರಕ್ಕೆ ಸಂಬಂಧಿಸಿದ ಬಾಂಡ್ಗಳನ್ನು ಸಲ್ಲಿಸಿದ ನಂತರ ಬಿಡುಗಡೆ ಮಾಡಲಾಗಿದೆ ಎಂದು ತೆರಿಗೆ ವಿಭಾಗದ ಅಧಿಕಾರಿಗಳು ತಿಳಿಸಿದ್ದಾರೆ.
ರಿಲಯನ್ಸ್ಗೆ ಸೇರಿದ ಎರಡು ವಿಮಾನಗಳನ್ನು ವಶಪಡಿಸಿಕೊಂಡ ನಂತರ ಈ ವಿಚಾರ ಮೊದಲಿಗೆ ಬೆಳಕಿಗೆ ಬಂದಿತು. ಆದರೆ ಆ ಬಳಿಕ ಟಾಟಾ, ಡಿಎಲ್ಎಫ್, ಎಸ್ಕಾರ್ಟ್ಸ್, ಕಿಂಗ್ಫಿಶರ್, ಪುಂಜ್ ಲಾಯ್ಡ್ ಕಂಪೆನಿಗಳಿಗೆ ಸೇರಿದ ವಿಮಾನಗಳೂ ಸರಕಾರದ ಕೂಲಂಕಷ ಪರೀಕ್ಷೆಗೊಳಪಟ್ಟಿವೆ.
|