ಹತ್ತಿ ರಫ್ತು ನಿಯಂತ್ರಣಕ್ಕೆ ಕ್ರಮ: ಸರಕಾರ   ಮುಂಬಯಿ, ಮಂಗಳವಾರ, 15 ಜುಲೈ 2008( 15:24 IST )

ಗಗನಕ್ಕೇರಿದ ಹತ್ತಿ ಬೆಲೆಯನ್ನು ಹತೋಟಿಗೆ ತರುವ ನಿಟ್ಟಿನಲ್ಲಿ ದೇಶೀಯ ಹತ್ತಿ ಪೂರೈಕೆಯನ್ನು ವರ್ಧಿಸಲು ಹತ್ತಿ ರಫ್ತು ಇಳಿಮುಖಕ್ಕಾಗಿ ಸರಕಾರವು ಹೆಚ್ಚುವರಿ ಕ್ರಮಗಳನ್ನು ಕೈಗೊಳ್ಳಲಿದೆ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ. ಸ್ಥಳೀಯ ಮಾರುಕಟ್ಟೆಯಲ್ಲಿ ಹತ್ತಿಯ ಬೆಲೆಯು ಶೇ.35ಕ್ಕಿಂತಲೂ ಹೆಚ್ಚಾದ ಹಿನ್ನೆಲೆಯಲ್ಲಿ ಕಳೆದ ವಾರ ಕಚ್ಛಾಹತ್ತಿಯ ಆಮದು ಸುಂಕವನ್ನು ಕಡಿಮೆಗೊಳಿಸಿತ್ತು ಮತ್ತು ರಫ್ತು ಉತ್ತೇಜನವನ್ನು ಹಿಂತೆಗೆದುಕೊಂಡಿತ್ತು. ಹತ್ತಿ ಬೆಲೆ ಇಳಿಸಲು ಮತ್ತು ಪೂರೈಕೆಯನ್ನು ವೃದ್ಧಿಗೊಳಿಸಲು ಸರಕಾರವು ಈ ಕ್ರಮಕ್ಕೆ ಮುಂದಾಗಿತ್ತು. ಬೆಲೆ ಇಳಿಸಲು ಮತ್ತು ಪೂರೈಕೆಯನ್ನು ಹೆಚ್ಚಿಸಲು ಪರಿಮಾಣ ನಿರ್ಬಂಧದ ಮೂಲಕ ರಫ್ತು ನಿಯಂತ್ರಣ ಹಾಗೂ ಹತ್ತಿ ರಫ್ತು ಮೇಲೆ ಸುಂಕ ವಿಧಿಸುವುದು ಮುಂತಾದ ಕ್ರಮಗಳನ್ನು ಕೈಗೊಳ್ಳುವತ್ತ ಸರಕಾರವು ಚಿಂತನೆ ನಡೆಸಲಿದೆ ಎಂದು ಜವಳಿ ಸಚಿವಾಲಯದ ಅಧಿಕಾರಿಗಳು ತಿಳಿಸಿದ್ದಾರೆ.