ಪ್ರಸಕ್ತ ಹಣದುಬ್ಬರ ಏರಿಕೆ ಅತ್ಯಲ್ಪ-ಚಿದಂಬರಂ   ನವದೆಹಲಿ, ಶುಕ್ರವಾರ, 18 ಜುಲೈ 2008( 16:36 IST )

ಜುಲೈ 5ರ ವಾರಾಂತ್ಯಕ್ಕೆ ಹಣದುಬ್ಬರ ಕೇವಲ ಶೇ 0.02ರಷ್ಟು ಏರಿಕೆಯಾಗಿದ್ದು,ದರ ಏರಿಕೆ ವಾರದಿಂದ-ವಾರಕ್ಕೆ ಇಳಿಕೆಯಾಗುತ್ತಿವೆ ಅಥವಾ ನಿಯಂತ್ರಣದಲ್ಲಿವೆ ಎಂದು ಕೇಂದ್ರ ಹಣಕಾಸು ಖಾತೆ ಸಚಿವ ಪಿ.ಚಿದಂಬರಂ ಹೇಳಿದ್ದಾರೆ. ಜುಲೈ 5ಕ್ಕೆ ವಾರಂತ್ಯಗೊಂಡಂತೆ ಹಣದುಬ್ಬರ ಶೇ11.91 ಏರಿಕೆಯಾಗಿದ್ದು ಕಳೆದ ವಾರದ ಹಣದುಬ್ಬರ 11.89 ವರದಿಯಾಗಿತ್ತು. ಹಣದುಬ್ಬರ ವಾರದಿಂದ ವಾರಕ್ಕೆ ನಿಯಂತ್ರಣವಾಗುತ್ತಿದೆ ಎಂದು ಹಣದುಬ್ಬರದ ವಿವರಗಳನ್ನು ಸಚಿವ ಚಿದಂಬರಂ ಬಿಡುಗಡೆ ಮಾಡಿದರು. ಜುಲೈ 5ಕ್ಕೆ ವಾರಂತ್ಯಗೊಂಡಂತೆ ವಾರ್ಷಿಕ ಹಣದುಬ್ಬರ ದರ 30 ಅಗತ್ಯ ದಿನಸಿ ವಸ್ತುಗಳ ದರಗಳಲ್ಲಿ ಶೇ 5.74ರಷ್ಟು ಇಳಿಕೆಯಾಗಿದೆ ಎಂದು ಸಚಿವ ಚಿದಂಬರಂ ಹೊರಡಿಸಿದ ಪ್ರಕಟಣೆಯಲ್ಲಿ ತಿಳಿಸಿದ್ದಾರೆ. ಅಗತ್ಯ ವಸ್ತುಗಳಾದ ದವಸಧಾನ್ಯ, ಅಡುಗೆ ಏಣ್ಣೆ, ತರಕಾರಿ ,ಹಾಲು ಉತ್ಪನ್ನಗಳು, ಸೀಮೆ ಎಣ್ಣೆ, ಸಾಬುನು ಸೇರಿದಂತೆ ಇನ್ನಿತರ ವಸ್ತುಗಳ ದರಗಳು ಹೆಚ್ಚುಕಡಿಮೆ ನಿಯಂತ್ರಣದಲ್ಲಿವೆ ಎಂದು ಸಚಿವ ಚಿದಂಬಂರಂ ಹೇಳಿದ್ದಾರೆ.