ಜಪ್ತಿಯಾದ ವಿಮಾನ ಮರಳಿ ಅಂಬಾನಿಗೆ   ನವದೆಹಲಿ, ಭಾನುವಾರ, 20 ಜುಲೈ 2008( 16:02 IST )

ಕೆಲವು ದಿನಗಳ ಹಿಂದೆ ಅನಿಲ್ ಅಂಬಾನಿ ಅವರಿಗೆ ಸೇರಿದ್ದ ಬಾಂಬರ್ಡಿಯರ್ ಗ್ಲೋಬಲ್ 5000 ವಿಮಾನವನ್ನು ಸೀಮಾ ಸುಂಕ ಬಾಕಿ ಇರುವ ಕಾರಣ ವಶಪಡಿಸಿಕೊಂಡಿದ್ದ ಕೇಂದ್ರ ಸೀಮಾ ಮತ್ತು ಅಬಕಾರಿ ಇಲಾಖೆಯ ಅಧಿಕಾರಿಗಳು ರಿಲಯನ್ಸ್ ಕಂಪನಿಯು ಬ್ಯಾಂಕ್ ಗ್ಯಾರಂಟಿ ನೀಡಿದ ಕಾರಣ ಅನಿಲ್ ಅಂಬಾನಿ ಅವರಿಗೆ ಮರಳಿಸಿದ್ದಾರೆ. ಅನಿಲ್ ಅಂಬಾನಿ ಒಡೆತನದ ರಿಲಯನ್ಸ್ ಕಂಪನಿಯು 37 ಕೋಟಿ ರೂ ಬ್ಯಾಂಕ್ ಗ್ಯಾರಂಟಿ ಮತ್ತು 150 ಕೋಟಿ ಬಾಂಡ್‌ನ್ನು ಕೇಂದ್ರ ಸೀಮಾ ಮತ್ತು ಅಬಕಾರಿ ಇಲಾಖೆಯ ಅಧಿಕಾರಿಗಳಿಗೆ ನೀಡಿದ ನಂತರ ನವದೆಹಲಿಯಲ್ಲಿ ವಿಮಾನವನ್ನು ರಿಲಯನ್ಸ್ ಕಂಪನಿಗೆ ಮರಳಿಸಲಾಯಿತು. ಕಳೆದ ಬುಧವಾರವೇ ಕೇಂದ್ರ ಸರಕಾರವು ಅನಿಲ್ ಅಂಬಾನಿ ಅವರಿಗೆ ಸೇರಿದ ವಿಮಾನವನ್ನು ತೇರಿಗೆ ಪಾವತಿ ಮಾಡದ ಆರೋಪದ ಮೇಲೆ ಜಪ್ತಿ ಮಾಡಿಕೊಳ್ಳುವಂತೆ ಆದೇಶ ನೀಡಿತ್ತು. ಇದೀಗ ಜಪ್ತಿ ಮತ್ತು ತೆರಿಗೆ ವಂಚನೆಯ ಪ್ರಕರಣವು ವಿಚಾರಣಾ ಮಂಡಳಿಯ ಸುಪರ್ಧಿಗೆ ಬಂದಿದ್ದು, ವಿಚಾರಣೆಯ ನಂತರ ತೆರಿಗೆಯನ್ನು ವಂಚಿಸಿದ್ದಕ್ಕೆ ದಂಡವನ್ನು ವಿಧಿಸಲಾಗುವುದು ಎಂದು ಅಧಿಕಾರಿಗಳು ಮಾಹಿತಿ ನೀಡಿದ್ದಾರೆ.