ಡಾಲರ್‌ ಎದುರು ರೂಪಾಯಿ ಮೌಲ್ಯ ವೃದ್ಧಿ   ಮುಂಬೈ, ಬುಧವಾರ, 23 ಜುಲೈ 2008( 19:57 IST )

ದೇಶದಲ್ಲಿ ಕೇಂದ್ರ ಸರಕಾರಕ್ಕೆ ಎದುರಾಗಿದ್ದ ರಾಜಕೀಯ ಬಿಕ್ಕಟ್ಟು ಹಾಗೂ ಕಚ್ಚಾ ತೈಲ ದರಗಳ ಇಳಿಕೆಯ ಹಿನ್ನೆಲೆಯಲ್ಲಿ ಡಾಲರ್‌ ಎದುರುಗಡೆ ರೂಪಾಯಿ ಮೌಲ್ಯ ಏಳು ವಾರಗಳ ಹೆಚ್ಚಳ ಕಂಡಿದೆ. ಬೆಳಗಿನ ಹಂತದಲ್ಲಿ ಪ್ರತಿ ಡಾಲರ್‌ಗೆ 42.32/33 ರೂ.ಗಳ ಏರಿಕೆಯಾಗಿದ್ದು, ಮಂಗಳವಾರದಂದು ಮುಕ್ತಾಯವಾದ ವಹಿವಾಟಿಗಿಂತ ಶೇ 1ರಷ್ಟು ಹೆಚ್ಚಳವಾಗಿತ್ತು. ಅಮೆರಿಕದೊಂದಿಗೆ ಅಣು ಒಪ್ಪಂದದ ಹಿನ್ನೆಲೆಯಲ್ಲಿ ಕಾಂಗ್ರೆಸ್ ನೇತೃತ್ವದ ಯುಪಿಎ, ಪ್ರಧಾನ ಮಂತ್ರಿ ಮನಮೋಹನ್‌ ಸಿಂಗ್‌ ಸರಕಾರ ವಿಶ್ವಾಸಮತ ಅಧಿವೇಶನದಲ್ಲಿ ಗೆಲುವು ಸಾಧಿಸಿದ ನಂತರ ರೂಪಾಯಿ ಮೌಲ್ಯದಲ್ಲಿ ಏರಿಕೆ ಕಂಡಿತು ಎಂದು ವಹಿವಾಟಿನ ಮೂಲಗಳು ತಿಳಿಸಿವೆ. ಸರಕಾರ ವಿಶ್ವಾಸಮತ ಗಳಿಸಿದ್ದರಿಂದ ಹಾಗೂ ಕಚ್ಚಾ ತೈಲದ ದರಗಳಲ್ಲಿ ಇಳಿಕೆಯಾಗಿದ್ದು ಈ ಎರಡು ಅಂಶಗಳು ರೂಪಾಯಿ ಮೌಲ್ಯದಲ್ಲಿ ಏರಿಕೆಯಾಗಲು ಕಾರಣವಾಯಿತು. ಶೇರುಗಳು ಕೂಡಾ ಚೇತರಿಸಿಕೊಂಡಿರುವುದು ಕಾರಣವಾಗಿದೆ ಎಂದು ಡೆವೆಲಪ್‌ಮೆಂಟ್‌ ಕ್ರೆಡಿಟ್‌ ಬ್ಯಾಂಕ್‌ನ ಮುಖ್ಯ ವಿತರಕ ಪರೇಶ್ ನಾಯರ್ ಅಭಿಪ್ರಾಯಪಟ್ಟಿದ್ದಾರೆ.