ಐಟಿ ಕಂಪನಿಗಳ ಆದಾಯದಲ್ಲಿ ಕುಂಠಿತ   ನವದೆಹಲಿ, ಸೋಮವಾರ, 28 ಜುಲೈ 2008( 15:25 IST )

2007-08ರ ಅವಧಿಯ ಆರ್ಥಿಕ ಹಿಂಜರಿತದ ಪರಿಣಾಮವಾಗಿ ಭಾರತದ ಪ್ರಮುಖ 20 ಮಾಹಿತಿ ತಂತ್ರಜ್ಞಾನ ಕಂಪನಿಗಳ ಆದಾಯವು ಶೇ.41ರಿಂದ ಶೇ.24ಕ್ಕೆ ಇಳಿಕೆಗೊಳ್ಳುವುದರೊಂದಿಗೆ, ಭಾರತ ಮಾಹಿತಿ ತಂತ್ರಜ್ಞಾನದ ಆದಾಯವು ಕುಂಠಿತಗೊಂಡಿವೆ. ಪ್ರಮುಖ 20 ಐಟಿ ಕಂಪನಿಗಳ ಅಭಿವೃದ್ಧಿಯಲ್ಲೂ ಇಳಿಕೆ ಉಂಟಾಗಿದ್ದು, ಕಳೆದ ಅವಧಿಯಲ್ಲಿ ಶೇ.45ರಷ್ಟಿದ್ದ ಅಭಿವೃದ್ಧಿ ದರವು ಪ್ರಸಕ್ತ ಶೇ.29ಕ್ಕೆ ಇಳಿಕೆಗೊಂಡಿದೆ ಎಂದು ಐಟಿ ಉದ್ಯಮ ಸಮೀಕ್ಷೆಯ ವರದಿಗಳು ತಿಳಿಸಿವೆ. 2007-08ರ ಅವಧಿಯಲ್ಲಿ ಐಟಿ ಸೇವಾ ರಫ್ತಿನ ಪ್ರಮಾಣವು ಶೇ.28.2ರಷ್ಟು ಮತ್ತು ಬಿಪಿಒ ಕ್ಷೇತ್ರದ ರಫ್ತು ಪ್ರಮಾಣವು ಶೇ.30ರಷ್ಟು ಏರಿಕೆಗೊಂಡಿತ್ತು ಎಂದು ನಸ್ಕಾಂ ತನ್ನ ವಾರ್ಷಿಕ ವರದಿಯಲ್ಲಿ ತಿಳಿಸಿತ್ತು. ಏನೇ ಆದರೂ, ಪ್ರಸಕ್ತ ಹಣಕಾಸು ವರ್ಷದಲ್ಲಿ ಐಟಿ ಕಂಪನಿಗಳ ಅಭಿವೃದ್ಧಿಯ ಪ್ರಮಾಣದಲ್ಲಿ ಶೇ.21-24ರಷ್ಟು ಇಳಿಕೆ ಉಂಟಾಗಲಿದೆ ಎಂದು ನಾಸ್ಕಾಂ ಮುನ್ಸೂಚನೆ ನೀಡಿತ್ತು.