ಇಂಡೇನ್ ಹೊಸ ಸಂಪರ್ಕ ತಾತ್ಕಾಲಿಕ ಸ್ಥಗಿತ ನವದೆಹಲಿ, ಗುರುವಾರ, 31 ಜುಲೈ 2008( 16:15 IST )

ಏರುತ್ತಿರುವ ತೈಲ ಬೆಲೆಯ ಪರಿಣಾಮವಾಗಿ ಅತಿ ಹೆಚ್ಚು ನಷ್ಟ ಹೊಂದುತ್ತಿರುವುದರೊಂದಿಗೆ, ದೇಶದ ಅತಿ ದೊಡ್ಡ ಇಂಧನ ರಖಂ ಸಂಸ್ಥೆಯಾಗಿರುವ ಇಂಡಿಯನ್ ಆಯಿಲ್ ಕಾರ್ಪೋರೇಶನ್, ಅಡುಗೆ ಅನಿಲ (ಎಲ್‌ಪಿಜಿ) ನೂತನ ಸಂಪರ್ಕ ನೀಡುವುದನ್ನು ನಿಲುಗಡೆಗೊಳಿಸಿದೆ. ಸುಮಾರು ಒಂದು ವರ್ಷದಿಂದ ಕಂಪನಿಯು ನೂತನ ಸಿಲಿಂಡರ್‌ನ್ನು ಖರೀದಿಸಲಿಲ್ಲ. ಹಣಕಾಸು ಬಿಕ್ಕಟ್ಟಿನಿಂದಾಗಿ, ನೂತನ ಸಂಪರ್ಕಗಳಿಗೆ ಕೊಡಲು ಸಾಧನವೂ ಇಲ್ಲ ಎಂದು ಐಒಸಿ ಮುಖ್ಯಸ್ಥ ಸಾರ್ಥಕ್ ಬೇಹುರಿಯಾ ತಿಳಿಸಿದ್ದಾರೆ. ಪ್ರತಿ 14.2 ಕೆ.ಜಿ ಎಲ್‌ಪಿಜಿ ಸಿಲಿಂಡರ್‌ನಲ್ಲಿ ಐಒಸಿಗೆ 338.53 ರೂಪಾಯಿ ನಷ್ಟವಾಗುತ್ತಿದ್ದು, ಒಟ್ಟಾಗಿ ದೇಶೀಯ ಇಂಧನದಲ್ಲಿ ಪ್ರತಿದಿನದ ನಷ್ಟವು 33 ಕೋಟಿ ರೂಪಾಯಿಗಳಾಗಿವೆ. ನೂತನ ಗ್ರಾಹಕರಿಗೆ ಸೇವೆ ಒದಗಿಸಲು ಕಂಪನಿಯು ಸೂಕ್ತ ಬಂಡವಾಳವನ್ನು ಹೊಂದಿಲ್ಲ. ಆದ್ದರಿಂದ, ತಾತ್ಕಾಲಿಕವಾಗಿ ನೂತನ ಸಂಪರ್ಕ ವಿತರಣೆಯನ್ನು ನಿಲುಗಡೆಗೊಳಿಸಲಾಗಿದೆ ಎಂದು ಬೇಹುರಿಯಾ ಸೂಚಿಸಿದ್ದಾರೆ.