ಶೇ.11.98: ಮತ್ತೆ ಏರುಗತಿಯಲ್ಲಿ ಹಣದುಬ್ಬರ ದರ ನವದೆಹಲಿ, ಗುರುವಾರ, 31 ಜುಲೈ 2008( 20:34 IST )

ಇನ್ನೂ ತನ್ನ ಆತಂಕ ಮುಂದುವರಿಸಿರುವ ಹಣದುಬ್ಬರವು ಮತ್ತಷ್ಟು ಮೇಲಕ್ಕೇರಿದ್ದು, ಜುಲೈ 19ಕ್ಕೆ ಅಂತ್ಯವಾದ ವಾರದಲ್ಲಿ ಅದು ಶೇ.11.98ಕ್ಕೇರಿದೆ. ಜುಲೈ 12ರಂದು ಅಂತ್ಯವಾದ ವಾರದಲ್ಲಿ ಹಣದುಬ್ಬರ ದರವು ಶೇ.11.89ಕ್ಕೆ ಇಳಿಯುವ ಮೂಲಕ ಆಶಾವಾದ ಮೂಡಿಸಿತ್ತು. ಹಲವಾರು ಅವಶ್ಯಕ ವಸ್ತುಗಳ ಬೆಲೆಗಳು ನಿಧಾನವಾಗಿ ಇಳಿಕೆಯಾಗಿದ್ದುದು ಅಥವಾ ಯಥಾಸ್ಥಿತಿಯಲ್ಲೇ ಇದ್ದುದು ಇದಕ್ಕೆ ಕಾರಣವಾಗಿತ್ತು. ಕಳೆದ ಮೂರು ವಾರಗಳಲ್ಲಿನ ಹಣದುಬ್ಬರದ ದರದ ಏರಿಳಿಕೆ ಪ್ರವೃತ್ತಿಯನ್ನು ಗಮನಿಸಿದರೆ, ಹಣದುಬ್ಬರವು ಸ್ವಲ್ಪಮಟ್ಟಿಗೆ ಸ್ಥಿರವಾಗುವ ಲಕ್ಷಣಗಳು ಗೋಚರಿಸುತ್ತಿದೆ. ಯಾಕೆಂದರೆ ಜು.12ರ ಹಣದುಬ್ಬರ ದರವು ಹಿಂದಿನ (ಜು.5) ದರಕ್ಕಿಂತ ಶೇ.02 ಕಡಿಮೆ. ಅಂದರೆ ಶೇ.11.91 ಇದ್ದದ್ದು ಶೇ.11.89ಕ್ಕೆ ಇಳಿದಿತ್ತು.