ಸೆಪ್ಟೆಂಬರ್ ತಿಂಗಳಲ್ಲಿ ಬಿಡುಗಡೆಗೊಳ್ಳಲಿರುವ ಆಪಲ್ ಐಫೋನ್‌ನ ಸ್ಪರ್ಧೆಯನ್ನು ಎದುರಿಸಿ, ಭಾರತೀಯ ಮಾರುಕಟ್ಟೆಯಲ್ಲಿ ತನ್ನ ಮುಂಚೂಣಿಯನ್ನು ಕಾಯ್ದುಕೊಳ್ಳುವ ನಿಟ್ಟಿನಲ್ಲಿ, ಪ್ರಮುಖ ಮೊಬೈಲ್ ನಿರ್ಮಾಣ ಸಂಸ್ಥೆ ನೋಕಿಯಾ ಮುಂದಿನ ಆರು ತಿಂಗಳುಗಳಲ್ಲಿ ವಿವಿಧ ವಿನ್ಯಾಸದ ಮತ್ತು ತಂತ್ರಜ್ಞಾನದ ಮೊಬೈಲ್‌ಗಳನ್ನು ಬಿಡುಗಡೆಗೊಳಿಸಲು ನಿರ್ಧರಿಸಿದೆ.
ಆಪಲ್ ಐಫೋನ್‌ನೊಂದಿಗಿನ ಸ್ಪರ್ಧೆಯಲ್ಲಿ ಮುನ್ನಡೆ ಸಾಧಿಸುವ ನಿಟ್ಟಿನಲ್ಲಿ, ನೂತನ ಮೊಬೈಲ್ ಗೇಮ್ಸ್, ಆನ್‌ಲೈನ್ ಮ್ಯೂಸಿಕ್ ಸ್ಟೋರ್ಸ್ ಮತ್ತು ಆಧುನಿಕ ತಂತ್ರಜ್ಞಾನವನ್ನೊಳಗೊಂಡ ಮೊಬೈಲ್‌ಗಳನ್ನು ಕಂಪನಿಯು ಬಿಡುಗಡೆಗೊಳಿಸಲಿದೆ ಎಂದು ನೋಕಿಯಾ ತಿಳಿಸಿದೆ.
ಇತ್ತೀಚೆಗೆ, ನೋಕಿಯಾವು ತನ್ನ ಪ್ರಥಮ ಜಿಪಿಎಸ್ ನಿಯಂತ್ರಿತ ನೋಕಿಯಾ 6210 ನ್ಯಾವಿಗೇಟರ್ ಫೋನನ್ನು ಬಿಡುಗಡೆಗೊಳಿಸಿತ್ತು.
ಎಂಪಿ3 ಪ್ಲೇಯರ್, ಎಫ್ಎಂ ರೇಡಿಯೋ, 3.2 ಮೆಗಾಪಿಕ್ಸೆಲ್ ಕ್ಯಾಮರಾ ಹೊಂದಿರುವ ಈ ನೂತನ ನೋಕಿಯಾ ಮೊಬೈಲ್‌ನ ಬೆಲೆಯು 18,000 ರೂಪಾಯಿಗಳಾಗಿವೆ.
ನ್ಯಾವಿಗೇಶನ್ ಲಕ್ಷಣಗಳನ್ನು ಹೊಂದಿದ ಹತ್ತು ನೋಕಿಯಾ ಮೊಬೈಲ್‌ಗಳು ಪ್ರಸಕ್ತ ಮಾರುಕಟ್ಟೆಯಲ್ಲಿ ಲಭ್ಯವಿದೆ.
|
ಸುದ್ದಿ ಜಗತ್ತು > ವ್ಯವಹಾರ > ವಾಣಿಜ್ಯ ಸುದ್ದಿ
ಸಲಹೆ/ಪ್ರತಿಕ್ರಿಯೆ
ಮಿತ್ರನಿಗೆ ಕಳುಹಿಸಿ
ಈ ಪುಟ ಮುದ್ರಿಸಿ