ಕೈಗಾರಿಕಾ ಅಭಿವೃದ್ಧಿ ದರ ಶೇ.5.4ಕ್ಕೇರಿಕೆ ನವದೆಹಲಿ, ಮಂಗಳವಾರ, 12 ಆಗಸ್ಟ್ 2008( 15:28 IST )

ಮೇ ತಿಂಗಳಲ್ಲಿ ಶೇ.3.8ರಷ್ಟಿದ್ದ ಕೈಗಾರಿಕಾ ಉತ್ಪಾದನಾ ಅಭಿವೃದ್ಧಿ ದರವು ಜೂನ್ ತಿಂಗಳಲ್ಲಿ ಶೇ.5.4ಕ್ಕೆ ಏರಿಕೆಗೊಂಡಿದೆ ಎಂದು ಸರಕಾರ ತಿಳಿಸಿದೆ. ಅದಾಗ್ಯೂ, ಕಳೆದ ವರ್ಷದ ಶೇ.8.9 ಅಭಿವೃದ್ಧಿ ದರಕ್ಕೆ ಹೋಲಿಸಿದರೆ, ಪ್ರಸಕ್ತ ಅವಧಿಯ ಕೈಗಾರಿಕಾ ಉತ್ಪಾದನಾ ಅಭಿವೃದ್ಧಿ ದರದಲ್ಲಿ ಇಳಿಕೆ ಉಂಟಾಗಿದೆ. ಏಪ್ರಿಲ್-ಮೇ ತಿಂಗಳ ಹಣಕಾಸು ಅವಧಿಯಲ್ಲಿ ಕೈಗಾರಿಕಾ ಕ್ಷೇತ್ರವು ಶೇ.5.2ರಷ್ಟು ಅಭಿವೃದ್ಧಿ ಹೊಂದಿದ್ದು, ಕಳೆದ ವರ್ಷದ ಹಣಕಾಸು ವರ್ಷದಲ್ಲಿ ಇದು ಶೇ.10.3ರಷ್ಟಿತ್ತು ಎಂದು ಅಂಕಿಅಂಶ ಸಚಿವಾಲಯ ಬಿಡುಗಡೆಗೊಳಿಸಿದ ಔದ್ಯಮಿಕ ಉತ್ಪಾದನೆಗಳ ಸೂಚ್ಯಂಕ(ಐಐಪಿ) ವರದಿಗಳು ತಿಳಿಸಿವೆ. ಜೂನ್ ತಿಂಗಳಲ್ಲಿ ಮೈನಿಂಗ್, ಉತ್ಪಾದನೆ ಹಾಗೂ ವಿದ್ಯುತ್ ಕ್ಷೇತ್ರಗಳು ಕ್ರಮವಾಗಿ ಶೇ.2.9, ಶೇ.5.9 ಮತ್ತು ಶೇ.2.6ರಷ್ಟು ಏರಿಕೆ ಕಂಡಿವೆ.