ಬಿಎಸ್ಎನ್ಎಲ್ ರಾಯಭಾರಿಯಾಗಿ ದೀಪಿಕಾ ನವದೆಹಲಿ, ಶನಿವಾರ, 16 ಆಗಸ್ಟ್ 2008( 11:00 IST )

IFM ಸರಕಾರಿ ಸ್ವಾಮ್ಯದ ಟೆಲಿಕಾಂ ಸಂಸ್ಥೆ ಬಿಎಸ್ಎನ್ಎಲ್ ತನ್ನ ನೂತನ ಉತ್ಪನ್ನ ರಾಯಭಾರಿಯಾಗಿ ಬಾಲಿವುಡ್ ನಟಿ ದೀಪಿಕಾ ಪಡುಕೋಣೆ ಅವರನ್ನು ಆಯ್ಕೆ ಮಾಡಿಕೊಂಡಿದೆ. ಬಿಎಸ್ಎನ್ಎಲ್ ತನ್ನ ಉತ್ಪನ್ನಗಳ ಪ್ರಚಾರಕ್ಕಾಗಿ ಯುವ ಮುಖಗಳ ಅನ್ವೇಷಣೆಯಲ್ಲಿದ್ದುದರಿಂದ, ಈ ಹಿಂದಿನ ರಾಯಭಾರಿ ಪ್ರೀತಿ ಜಿಂಟಾ ಅವರ ಗುತ್ತಿಗೆಯು ಕಳೆದ ವಾರ ಕೊನೆಗೊಂಡಿದ್ದಾಗ ಅದನ್ನು ನವೀಕರಿಸಿರಲಿಲ್ಲ. ಪಡುಕೋಣೆ ಅವರನ್ನು ಒಂದು ವರ್ಷದ ಗುತ್ತಿಗೆಗಾಗಿ ರಾಯಭಾರಿಯಾಗಿ ನೇಮಿಸಲಾಗಿದೆ ಎಂದು ಭಾರತ್ ಸಂಚಾರ್ ನಿಗಮದ ಅಧಿಕಾರಿಗಳು ತಿಳಿಸಿದ್ದಾರೆ. ಪ್ರೀತಿ ಜಿಂಟಾ ಅವರೊಂದಿಗಿನ ಒಪ್ಪಂದಕ್ಕಿಂತ ಹೆಚ್ಚಿನ ಮೊತ್ತಕ್ಕೆ ದೀಪಿಕಾರೊಂದಿಗೆ ಒಪ್ಪಂದ ಮಾಡಿಕೊಳ್ಳಲಾಗಿದೆ ಎಂದು ಬಿಎಸ್ಎನ್ಎಲ್ ಮೂಲಗಳು ತಿಳಿಸಿವೆ.