ರಿಲಯನ್ಸ್ ಡಿಟಿಎಚ್ ಸೇವೆ ಪ್ರಾರಂಭ ಮುಂಬೈ, ಮಂಗಳವಾರ, 19 ಆಗಸ್ಟ್ 2008( 14:48 IST )

ಅನಿಲ್ ಅಂಬಾನಿ ಸಮೂಹದ ಡಿಟಿಎಚ್ ಸಂಸ್ಥೆ ರಿಲಯನ್ಸ್ ಬಿಗ್ ಟಿವಿ, ತನ್ನ ಡಿಟಿಎಚ್ ಸೇವೆಯನ್ನು ಮಂಗಳವಾರ ಭಾರತದಾದ್ಯಂತ ಪ್ರಾರಂಭಿಸಿರುವುದಾಗಿ ಕಂಪನಿಯು ಘೋಷಿಸಿದೆ. ರಿಲಾಯನ್ಸ್ ಕಮ್ಯುನಿಕೇಶನ್ಸ್‌ನ ಸಹ ಸಂಸ್ಥೆಯಾಗಿರುವ ರಿಲಯನ್ಸ್ ಬಿಗ್ ಟಿವಿ, ಪ್ರಾರಂಭಿಕ ಹಂತದಲ್ಲಿ ಗ್ರಾಹಕರಿಗೆ 200 ಚಾನೆಲ್‌ಗಳ ಲಭ್ಯತೆಯನ್ನು ನೀಡುತ್ತದೆ ಎಂದು ಕಂಪನಿ ಹೇಳಿಕೆಗಳು ತಿಳಿಸಿವೆ. ದೇಶದ ಸುಮಾರು 6,500 ನಗರಗಳಲ್ಲಿ ಈ ಸೇವೆಯು ಲಭ್ಯವಿದೆ ಎಂದು ಕಂಪನಿ ಪ್ರಕಟಣೆಗಳು ಹೇಳಿವೆ. ತನ್ನ ಡಿಟಿಎಚ್ ಸೇವೆಯ ಗುಣಮಟ್ಟ ವೃದ್ಧಿಗಾಗಿ ಕಂಪನಿಯು ಕರೆ ಕೇಂದ್ರಗಳನ್ನು ಸ್ಥಾಪಿಸಿದ್ದು, ಪ್ರತಿದಿನ ಸುಮಾರು 50,000 ಕರೆಗಳನ್ನು ಸ್ವೀಕರಿಸುವ ಸಾಮರ್ಥ್ಯವನ್ನು ಇದು ಹೊಂದಿದೆ. ಗ್ರಾಹಕರ ಸಮಸ್ಯೆಗಳಿಗೆ ಶೀಘ್ರವಾಗಿ ಸ್ಪಂದಿಸುವ ನಿಟ್ಟಿನಲ್ಲಿ ಕರೆ ಕೇಂದ್ರಗಳನ್ನು ಸ್ಥಾಪಿಸಲಾಗಿದೆ ಎಂದು ಕಂಪನಿ ಪ್ರಕಟಣೆಗಳು ತಿಳಿಸಿದೆ.