ರೈಲ್ವೇಯಿಂದ ವಿಮಾ ಬಿಡ್‌ಗೆ ಆಹ್ವಾನ ನವದೆಹಲಿ, ಗುರುವಾರ, 28 ಆಗಸ್ಟ್ 2008( 12:31 IST )

ರೈಲ್ವೇ ವಿಮಾ ಯೋಜನೆಗಾಗಿ ಖಾಸಗಿ ವಿಮಾ ಕಂಪನಿಗಳ ನಡುವೆ ಸ್ಪರ್ಧೆ ಹೆಚ್ಚುತ್ತಿರುವುದರೊಂದಿಗೆ, ಮುಂದಿನ ಒಂದು ವರ್ಷದಲ್ಲಿ ರೈಲ್ವೇ ವಿಮೆಯನ್ನು ನೀಡಲು ಸುಮಾರು 20 ವಿಮಾ ಸಂಸ್ಥೆಗಳನ್ನು ರೈಲ್ವೇ ಇಲಾಖೆ ಬಿಡ್‌ಗೆ ಆಹ್ವಾನಿಸಿದೆ. ಐದು ಇತರ ಪ್ರಮುಖ ವಿಮಾ ಕಂಪನಿಗಳನ್ನು ಹಿಂದಿಕ್ಕುವ ಮೂಲಕ, ಕಳೆದ ವರ್ಷ ಐಸಿಐಸಿಐ ಈ ಬಿಡ್‌ ಗೆದ್ದುಕೊಂಡಿತ್ತು. ಈ ವರ್ಷ, ಸೆಪ್ಟೆಂಬರ್ ಒಂದಕ್ಕೆ ಟೆಂಡರ್ ಕರೆಯಲಾಗಿದ್ದು, ಸುಮಾರು 20 ಸಂಸ್ಥೆಗಳಿಗೆ ಆಹ್ವಾನ ಕಳುಹಿಸಲಾಗಿದೆ ಎಂದು ರೈಲ್ವೇ ಅಧಿಕಾರಿಗಳು ತಿಳಿಸಿದ್ದಾರೆ. ರೈಲ್ವೇ ಅಪಘಾತ ಮುಂತಾದವುಗಳ ವಿರುದ್ಧ ವಿಮಾ ರಕ್ಷಣೆಯನ್ನು 1989ರ ರೈಲ್ವೇ ಕಾಯಿದೆಯಡಿಯಲ್ಲಿ ಈ ರೈಲ್ವೇ ಪ್ರಯಾಣಿಕರ ವಿಮಾ ಯೋಜನೆಯು ನೀಡುತ್ತದೆ.