ಒಪೆಕ್ ಸಭೆಗೆ ಮುನ್ನ ತೈಲ ದರಗಳು ಕುಸಿತ ಸಿಂಗಾಪುರ್, ಮಂಗಳವಾರ, 9 ಸೆಪ್ಟೆಂಬರ್ 2008( 21:04 IST )

ವಿಯನ್ನಾದಲ್ಲಿ ಒಪೆಕ್ ಸಭೆ ಮುಂದಿರುವಂತೆ ಜಾಗತಿಕ ತೈಲ ದರಗಳಲ್ಲಿ ಇಳಿಕೆಯಾಗಿದೆ ಎಂದು ಡೀಲರ್‌ಗಳು ತಿಳಿಸಿದ್ದಾರೆ. ನ್ಯೂಯಾರ್ಕ್ ಶೇರುಪೇಟೆಯಲ್ಲಿ ಕಚ್ಚಾ ತೈಲ ದರ ಪ್ರತಿ ಬ್ಯಾರೆಲ್‌ಗೆ 55ಸೆಂಟ್‌ಗಳಿಗೆ ಇಳಿಕೆಯಾಗಿದ್ದು 106.34 ಡಾಲರ್‌ಗಳಿಂದ 105.79 ಡಾಲರ್‌ಗಳಿಗೆ ಇಳಿಕೆಯಾಗಿದೆ ಎಂದು ಶೇರುಪೇಟೆಯ ಮೂಲಗಳು ತಿಳಿಸಿವೆ. ತೈಲ ಉತ್ಪಾದನೆ ನಿಗದಿ ಕುರಿತಂತೆ ವಿಯನ್ನಾದಲ್ಲಿ ಒಪೆಕ್ ರಾಷ್ಟ್ರಗಳ ಸಭೆ ನಡೆಯಲಿದ್ದು, ಕಳೆದ ಕೆಲ ತಿಂಗಳುಗಳಿಂದ ತೈಲ ದರಗಳಲ್ಲಿ ಕುಸಿತ ಉಂಟಾಗಿದ್ದರಿಂದ ಉತ್ಪಾದನೆಯನ್ನು ನಿಯಂತ್ರಿಸುವ ಬಗ್ಗೆ ಚರ್ಚಿಸಲಾಗುವುದು ಎಂದು ಮೂಲಗಳು ತಿಳಿಸಿವೆ. ತೈಲ ಸರಬರಾಜಿನಲ್ಲಿ ಹೆಚ್ಚಳವಾಗಿ ದರ ಕುಸಿತವಾಗುವ ಸಾಧ್ಯತೆಗಳಿರುವುದರಿಂದ ಉತ್ಪಾದನೆಯನ್ನು ನಿಯಂತ್ರಿಸುವ ಅಗತ್ಯವಿದೆ ಎಂದು ಅಲ್ಜೀರಿಯಾ, ಇರಾನ್ , ವೆನೆಜುವೆಲಾ ಮತ್ತು ಲಿಬಿಯಾ ದೇಶಗಳು ಒತ್ತಾಯಿಸಿದ್ದು, ಕುವೈತ್, ಅರಬ್‌ ಸಂಯುಕ್ತ ರಾಷ್ಟ್ರ ಈಕ್ವೇಡಾರ್ ರಾಷ್ಟ್ರಗಳು ಯಾವುದೇ ಬದಲಾವಣೆಗಳು ಬೇಡ ಎಂದು ಅಪೆಕ್ ಸಂಸ್ಥೆಯನ್ನು ಒತ್ತಾಯಿಸುತ್ತಿವೆ.