ಹಣದುಬ್ಬರ ಶೇ.12.1ರಷ್ಟು ಕುಸಿತ ನವದೆಹಲಿ, ಗುರುವಾರ, 11 ಸೆಪ್ಟೆಂಬರ್ 2008( 20:00 IST )

ನವದೆಹಲಿ : ಮೂರು ವಾರಗಳ ಸತತ ಕುಸಿತದ ನಂತರ ಅಗಸ್ಟ್ 30ಕ್ಕೆ ಅಂತ್ಯಗೊಂಡಂತೆ ಹಣದುಬ್ಬರ ಶೇ.12.1ಕ್ಕೆ ತಲುಪಿದೆ ಎಂದು ಅಧಿಕಾರಿ ಮೂಲಗಳು ತಿಳಿಸಿವೆ. ಕಳೆದ ವಾರ ಅಗಸ್ಟ್‌ 23ಕ್ಕೆ ಅಂತ್ಯಗೊಂಡಂತೆ ಹಣದುಬ್ಬರ ಶೇ 12.34 ರಷ್ಟಿದ್ದು, ಹಿಂದಿನ ವಾರಕ್ಕೆ ಹೋಲಿಸಿದಲ್ಲಿ ಶೇ 12.4ರಷ್ಟಿತ್ತು ಎಂದು ಹಣಕಾಸು ಸಚಿವಾಲಯದ ಅಧಿಕಾರಿಗಳು ಬಿಡುಗಡೆ ಮಾಡಿದ ವರದಿಯಲ್ಲಿ ತಿಳಿಸಿದ್ದಾರೆ. 30 ಅಗತ್ಯ ವಸ್ತುಗಳ ದರಗಳಲ್ಲಿ ಶೇ 6.9ರಿಂದ ಶೇ 7.52 ಏರಿಕೆಯಾಗಿದ್ದು, ಕೆಲ ಅಹಾರ ಧಾನ್ಯಗಳು ಅಮುದು ಖಾದ್ಯ ತೈಲ, ಹಣ್ಣುಗಳ ದರಗಳಲ್ಲಿ ಇಳಿಕೆಯಾದರೂ ಹಣದುಬ್ಬರ ಇಳಿಕೆ ನಿಧಾನಗತಿಯಲ್ಲಿ ಸಾಗುತ್ತಿದೆ ಎಂದು ಹಣಕಾಸು ಸಚಿವಾಲಯ ಪ್ರಕಟಿಸಿದೆ ಅಹಾರ ಧಾನ್ಯಗಳು, ಅಮುದು ಖಾದ್ಯ ತೈಲ, ಹಣ್ಣುಗಳ ದರಗಳಲ್ಲಿ ಇಳಿಕೆಯಾಗಿದ್ದರಿಂದ ಶೇ. 4 ರಷ್ಟು ಹಣದುಬ್ಬರ ಇಳಿಕೆಯಾಗಿದೆ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ.