ಹಣಕಾಸು ಕ್ಷೇತ್ರದಿಂದ ಸಹಾರಾ ಹೊರಗೆ : ಆರ್‌ಬಿಐ ಮುಂಬೈ, ಶನಿವಾರ, 13 ಸೆಪ್ಟೆಂಬರ್ 2008( 17:06 IST )

ಭಾರತೀಯ ರಿಸರ್ವ್ ಬ್ಯಾಂಕ್‌ನೊಂದಿಗೆ ವಿವಾದದಲ್ಲಿದ್ದ ಸಹಾರಾ ಇಂಡಿಯಾ ಇನ್‌ವೆಸ್ಟ್‌ಮೆಂಟ್ ಕಾರ್ಪೋರೇಶನ್ ನಾನ್- ಬ್ಯಾಂಕಿಂಗ್ ಹಣಕಾಸು ಕ್ಷೇತ್ರದಿಂದ ನಿರ್ಗಮಿಸಿದೆ ಎಂದು ಆರ್‌ಬಿಐ ಹೊರಡಿಸಿದ ಪ್ರಕಟಣೆಯಲ್ಲಿ ತಿಳಿಸಿದೆ. ಸಹಾರಾ ಇಂಡಿಯಾ ಇನ್‌ವೆಸ್ಟ್‌ಮೆಂಟ್ ಕಾರ್ಪೋರೇಶನ್ ನಾನ್- ಬ್ಯಾಂಕಿಂಗ್ ಹಣಕಾಸು ಕ್ಷೇತ್ರದ ನೊಂದಣಿಯನ್ನು ಅಗಸ್ಟ್ 11 ರಂದು ರದ್ದುಗೊಳಿಸಲಾಗಿದೆ ಎಂದು ಭಾರತೀಯ ರಿಸರ್ವ್ ಬ್ಯಾಂಕ್‌ನ ಹಿರಿಯ ಅಧಿಕಾರಿಗಳು ತಿಳಿಸಿದ್ದಾರೆ. ಸಹಾರಾ ಕಂಪೆನಿಯ ಅಂಗಸಂಸ್ಥೆಯಾದ ಲಕ್ನೋ ಮೂಲದ ಸಹಾರಾ ಗ್ರುಪ್ ಸಂಸ್ಥೆ ನಾನ್-ಬ್ಯಾಂಕಿಂಗ್ ಹಣಕಾಸು ಸಂಸ್ಥೆಯ ವಹಿವಾಟು ನಡೆಸುವಂತಿಲ್ಲ ಎಂದು ಭಾರತೀಯ ರಿಸರ್ವ್ ಬ್ಯಾಂಕ್ ಆದೇಶ ನೀಡಿದೆ.