ಪಾಕ್ ಹಣದುಬ್ಬರ ಶೇ.25.33ಏರಿಕೆ ಕರಾಚಿ, ಶನಿವಾರ, 13 ಸೆಪ್ಟೆಂಬರ್ 2008( 17:05 IST )

ಪಾಕಿಸ್ತಾನದಲ್ಲಿ ಆರ್ಥಿಕ ಸ್ಥಿತಿ ಕುಸಿಯಿತ್ತಾ ಸಾಗುತ್ತಿದ್ದು 30 ವರ್ಷಗಳ ಹಣದುಬ್ಬರ ಹೆಚ್ಚಳವಾಗಿದ್ದು ಸಾಮಾನ್ಯ ಸ್ಥಿತಿಯತ್ತ ಸಾಗಲು ಸುಮಾರು ಆರು ತಿಂಗಳ ಕಾಲಾವಧಿ ಅಗತ್ಯವಿದೆ ಎಂದು ಹಣಕಾಸು ಇಲಾಖೆಯ ತಜ್ಞರು ಅಭಿಪ್ರಾಯಪಟ್ಟಿದ್ದಾರೆ. ಅಧಿಕಾರಿಗಳ ದಾಖಲೆಗಳ ಪ್ರಕಾರ ಗ್ರಾಹಕ ದರ ಸೂಚ್ಯಂಕ ಜುಲೈನಲ್ಲಿದ್ದ 24.33 ರಿಂದ 25.33ಕ್ಕೆ ಏರಿಕೆಯಾಗಿದೆ ಎಂದು ಮೂಲಗಳು ತಿಳಿಸಿವೆ ಬೇನಜೀರ್ ಇನ್‌ಕಂ ಸಪೋರ್ಟ್ ಪ್ರೋಗ್ರಾಂನ ಸರಕಾರಿ ಮುಖ್ಯಸ್ಥರು ಹಾಗೂ ಹಣಕಾಸು ತಜ್ಞರಾದ ಖೈಸರ್ ಬೆಂಗಾಲಿಯವರು ಮಾತನಾಡಿ ದೇಶ ಸೂಪರ್ ಹಣದುಬ್ಬರವನ್ನು ಎದುರಿಸುತ್ತಿದೆ ಎಂದು ಹೇಳಿದ್ದಾರೆ. ಸರಕಾರ ಪ್ರಸಕ್ತ ಆರ್ಥಿಕ ಸಾಲಿನಲ್ಲಿ ಸೂಕ್ತ ನಿರ್ಧಾರ ಕೈಗೊಂಡಲ್ಲಿ ಎರಡಂಕಿಯ ಹಣದುಬ್ಬರ ಸಾಮಾನ್ಯ ಸ್ಥಿತಿಗೆ ಬರಲು ಸುಮಾರು ಆರು ತಿಂಗಳ ಕಾಲಾವಧಿ ಅಗತ್ಯವಾಗಿದೆ ಎಂದು ಖೈಸರ್ ಅಭಿಪ್ರಾಯಪಟ್ಟಿದ್ದಾರೆ.