ಮಾರುಕಟ್ಟೆ ಕುಸಿತ: ಹುದ್ದೆಗಳ ಕಡಿತದತ್ತ ವಾಲ್ವೊ ಚಿತ್ತ ಸ್ವಿಡನ್ , ಶನಿವಾರ, 13 ಸೆಪ್ಟೆಂಬರ್ 2008( 18:29 IST )

ಕಾರು ಉತ್ಪಾದಕ ಕಂಪೆನಿಗಳ ನಡುವೆ ಹೆಚ್ಚುತ್ತಿರುವ ಸ್ಪರ್ಧಾತ್ಮಕತೆಯಿಂದಾಗಿ ಜಾಗತಿಕ ಕಾರು ಮಾರಾಟದಲ್ಲಿ ಕುಸಿತ ಉಂಟಾದ ಹಿನ್ನೆಲೆಯಲ್ಲಿ ಮುಂಬರುವ 009ರಲ್ಲಿ 900ಹುದ್ದೆಗಳನ್ನು ಕಡಿತಗೊಳಿಸಲು ಫಾರ್ಡ್ ಮಾಲೀಕತ್ವದ ವಾಲ್ವೊ ಕಂಪೆನಿ ನಿರ್ಧರಿಸಿದೆ ಎಂದು ಮೂಲಗಳು ತಿಳಿಸಿವೆ. ಸ್ವಿಡನ್‌ನ ಪಶ್ಚಿಮ ಭಾಗದಲ್ಲಿರುವ ಗೊಟೆಬೊರ್ಗ್ ಪ್ರಾಂತ್ಯದಲ್ಲಿರುವ ಘಟಕದಲ್ಲಿ 700 ಮಂದಿ ಕಾರ್ಯನಿರ್ವಹಿಸುತ್ತಿರುವ ಮೂರನೇ ಶಿಫ್ಟ್‌ನ್ನು ಡಿಸೆಂಬರ್ ಅಂತ್ಯದೊಳಗೆ ರದ್ದುಗೊಳಿಸಲಾಗುವುದು ೆಂದು ಕಂಪೆನಿ ಹೇಳಿಕೆ ನೀಡಿದೆ. ಕಳೆದ ಕೆಲ ತಿಂಗಳುಗಳಿಂದ ಯುರೋಪ್ ಕಾರು ಮಾರುಕಟ್ಟೆಯಲ್ಲಿ ಭಾರಿ ಕುಸಿತ ಕಂಡಿದ್ದು, ಆರ್ಥಿಕತೆ ಗಣನೀಯವಾಗಿ ಇಳಿಕೆ ಕಂಡಿದ್ದರಿಂದ ಕಾರು ತಯಾರಿಕೆ ಉದ್ಯಮದ ಮೇಲೆ ನಕಾರಾತ್ಮಕ ಪ್ರಭಾವ ಬೀರಿದೆ ಎಂದು ಮೂಲಗಳು ತಿಳಿಸಿವೆ. 1990ರಲ್ಲಿ ಆರಂಭವಾದ ವಾಲ್ವೊ ಕಾರುಗಳ ಮಾರಾಟದಲ್ಲಿ ಗಣನೀಯ ಕುಸಿತ ಡಾಲರ್ ಮೌಲ್ಯ ಇಳಿಕೆ ಹಾಗೂ ಕಚ್ಚಾ ವಸ್ತುಗಳ ದರ ಏರಿಕೆ ಮತ್ತು ಬೇಡಿಕೆಯಲ್ಲಿ ಇಳಿಕೆಯಾಗಿದ್ದರಿಂದ ಕಾರು ಉತ್ಪಾದನಾ ಉದ್ಯಮವನ್ನು ನೆಲ ಕಚ್ಚುವಂತೆ ಮಾಡಿದೆ ಎಂದು ಫೋರ್ಡ್ಸ್ ತಿಳಿಸಿದೆ.