ಜಾಗತಿಕ ಆರ್ಥಿಕತೆಯಲ್ಲಿನ ಹಣಕಾಸು ಬಿಕ್ಕಟ್ಟಿನಿಂದಾಗಿ ಮುಂದಿನ ವರ್ಷಾಂತ್ಯದೊಳಗೆ ಸುಮಾರು 20 ದಶಲಕ್ಷ ಉದ್ಯೋಗ ನಷ್ಟ ಉಂಟಾಗಲಿದೆ ಎಂದು ವಿಶ್ವಸಂಸ್ಥೆ ಏಜೆನ್ಸಿಯು ತಿಳಿಸಿದೆ.
ನಿರ್ಮಾಣ, ಸ್ಥಿರಾಸ್ತಿ, ಹಣಕಾಸು ಸೇವೆ ಮತ್ತು ಆಟೋ ಕ್ಷೇತ್ರಗಳ ಮೇಲೆ ಹಣಕಾಸು ಬಿಕ್ಕಟ್ಟು ತೀವ್ರ ರೀತಿಯ ಪರಿಣಾಮವನ್ನು ಬೀರಲಿದೆ ಎಂಬುದಾಗಿ ಅಂತಾರಾಷ್ಟ್ರೀಯ ಕಾರ್ಮಿಕ ಸಂಸ್ಥೆ(ಐಎಲ್ಒ)ತಿಳಿಸಿದೆ.
2009ರ ಅಂತ್ಯದೊಳಗೆ ವಿಶ್ವ ನಿರುದ್ಯೋಗ ಪ್ರಮಾಣವು ಕಳೆದ ವರ್ಷದ 190 ದಶಲಕ್ಷದಿಂದ 210 ದಶಲಕ್ಷಕ್ಕೆ ಏರಿಕೆಗೊಳ್ಳಲಿದೆ ಎಂದು ಐಎಲ್ಒ ಪ್ರಧಾನ ನಿರ್ದೇಶಕ ಜಾನ್ ಸೋಮಾವಿಯಾ ಎಚ್ಚರಿಕೆ ನೀಡಿದ್ದಾರೆ.
ಇದು ಕೇವಲ ವಾಲ್ಸ್ಟ್ರೀಟ್ಗೆ ಸಂಬಂಧಿಸಿದ ಸಮಸ್ಯೆಯಲ್ಲ. ಎಲ್ಲಾ ಕ್ಷೇತ್ರಗಳಿಗೂ ಸಂಬಂಧಿಸಿದ್ದಾಗಿದೆ. ಇದಕ್ಕಾಗಿ ಆರ್ಥಿಕ ಮುಂಜಾಗ್ರತಾ ಕ್ರಮಗಳನ್ನು ಕೈಗೊಳ್ಳುವ ಅಗತ್ಯವಿದೆ ಎಂದು ಅವರು ಹೇಳಿದ್ದಾರೆ. |