ಆರ್ಥಿಕ ಕುಸಿತದ ಭೀತಿಯ ನಡುವೆಯೂ, ಅಕ್ಟೋಬರ್ 18ಕ್ಕೆ ಅಂತ್ಯಗೊಂಡ ವಾರದಲ್ಲಿ ಸಗಟು ಬೆಲೆ ಆಧಾರಿತ ಹಣದುಬ್ಬರವು ಶೇ.10.68ಕ್ಕೆ ಇಳಿಕೆಗೊಂಡಿದ್ದು, ಇದರಿಂದಾಗಿ ಹಣದುಬ್ಬರ ಕುರಿತಂತೆ ಕೇಂದ್ರ ಸರಕಾರದ ಸಮಸ್ಯೆಯು ಕೊಂಚ ನಿರಾಳವಾದಂತಾಗಿದೆ. ಕಳೆದ ವಾರ ಹಣದುಬ್ಬರದ ಪ್ರಮಾಣವು ಶೇ.11.07ರಷ್ಟಿತ್ತು.ಹಣ್ಣುಗಳು, ಬೇಳೆ-ಕಾಳುಗಳು, ಸಾಂಬಾರ ಪದಾರ್ಥ ಮತ್ತು ಉತ್ಪಾದನಾ ವಸ್ತುಗಳ ಸಗಟು ಬೆಲೆಯಲ್ಲಿ ಇಳಿಕೆ ಉಂಟಾದ ಪರಿಣಾವಾಗಿ ಹಣದುಬ್ಬರವು ಶೇ.0.39ರಷ್ಟು ತಗ್ಗಿದೆ.ವಾಣಿಜ್ಯ ಮತ್ತು ಉದ್ಯಮ ಸಚಿವಾಲಯದಿಂದ ಬಿಡುಗಡೆ ಮಾಡಲ್ಪಟ್ಟ ಸಗಟು ಬೆಲೆ ಅಂಕಿಅಂಶಗಳು, ಪ್ರಾಥಮಿಕ ಉತ್ಪನ್ನಗಳಾದ ರಬ್ಬರ್, ಕಡಲೆ ಬೀಜ ಮುಂತಾದ ಉತ್ಪನ್ನಗಳಲ್ಲಿ ಇಳಿಕೆ ಉಂಟಾಗಿರುವುದನ್ನು ಸೂಚಿಸಿವೆ.ಆಗಸ್ಟ್ ತಿಂಗಳ ಪ್ರಾರಂಭದಲ್ಲಿ ಹಣದುಬ್ಬರವು ಶೇ.12.91ಕ್ಕೆ ಏರಿಕೆಗೊಂಡಿತ್ತು. ಜೂನ್ ತಿಂಗಳಲ್ಲಿ ಸರಕಾರವು ರಖಂ ಇಂಧನ ಬೆಲೆಯನ್ನು ಏರಿಕೆಗೊಳಿಸಿದ ನಂತರ ಹಣದುಬ್ಬರವು ಎರಡಂಕಿಗೆ ತಲುಪಿತ್ತು. |
|
ಸಲಹೆ/ಪ್ರತಿಕ್ರಿಯೆ
ಮಿತ್ರನಿಗೆ ಕಳುಹಿಸಿ
ಈ ಪುಟ ಮುದ್ರಿಸಿ
