ದೇಶದ ಅತಿ ದೊಡ್ಡ ಕಾರು ನಿರ್ಮಾಣ ಸಂಸ್ಥೆ ಮಾರುತಿ ಸುಜುಕಿಯ ಅಕ್ಟೋಬರ್ ತಿಂಗಳ ಮಾರಾಟದಲ್ಲಿ ಶೇ. ಏಳರಷ್ಟು ಇಳಿಕೆ ಉಂಟಾಗಿದೆ ಎಂದು ಕಂಪನಿ ಮೂಲಗಳು ತಿಳಿಸಿವೆ.ಪ್ರಸಕ್ತ ಅವಧಿಯಲ್ಲಿ ಮಾರುತಿ 64,490 ಯೂನಿಟ್ ಮಾರಾಟ ಮಾಡಿದ್ದು, ಕಳೆದ ವರ್ಷ ಇದೇ ಅವಧಿಯಲ್ಲಿ ಇದರ ಪ್ರಮಾಣವು 69,415ರಷ್ಟಿತ್ತು.ಕಂಪನಿಯ ದೇಶೀಯ ಮಾರಾಟದಲ್ಲೂ ಇಳಿಕೆ ಉಂಟಾಗಿದ್ದು, ಕಳೆದ ವರ್ಷ 64,258 ಯೂನಿಟ್ಗಳಷ್ಟಿದ್ದ ಮಾರಾಟವು ಈ ವರ್ಷ 59,127ಕ್ಕೆ ಇಳಿಕೆಗೊಳ್ಳುವ ಮೂಲಕ, ದೇಶೀಯ ಮಾರಾಟದಲ್ಲೂ ಶೇ.8ರಷ್ಟು ಕುಸಿತ ಉಂಟಾಗಿದೆ ಎಂದು ಕಂಪನಿಯ ತಿಳಿಸಿದೆ.ಏನೇ ಆದರೂ, ಮಾರುತಿ ಸುಜುಕಿಯ ರಫ್ತು ಪ್ರಮಾಣದಲ್ಲಿ ಏರಿಕೆ ಉಂಟಾಗಿದ್ದು, ಕಳೆದ ವರ್ಷ 5,157 ಯೂನಿಟ್ನ್ನು ಕಂಪನಿಯು ರಫ್ತು ಮಾಡಿದ್ದು, ಈ ವರ್ಷ ಅದು 59,127ಕ್ಕೆ ಏರಿದೆ ಎಂದು ಕಂಪನಿ ಹೇಳಿದೆ.ಮಾರುತಿ 800 ಕಾರುಗಳ ಮಾರಾಟದಲ್ಲಿ ಶೇ.26ರಷ್ಟು ಇಳಿಕೆ ಉಂಟಾದರೆ, ಆಲ್ಟೋ, ಜೆನ್, ಸ್ವಿಫ್ಟ್, ವಾಗನರ್ ಮುಂತಾದ ಕಾರುಗಳ ಮಾರಾಟದಲ್ಲಿ ಶೇ.7.70ರಷ್ಟು ಇಳಿಕೆ ಉಂಟಾಗಿದೆ. |
|