ಕಳೆದ ವಾರ ಶೇ.10.68ರಷ್ಟಿದ್ದ ಹಣದುಬ್ಬರ ಅಕ್ಟೋಬರ್ 25ಕ್ಕೆ ವಾರಂತ್ಯಗೊಂಡಂತೆ ಹಣದುಬ್ಬರ ಶೇ.10.72 ರಷ್ಟು ಏರಿಕೆಯಾಗಿದೆ ಎಂದು ವಿತ್ತ ಸಚಿವಾಲಯದ ಮೂಲಗಳು ತಿಳಿಸಿವೆ.
ಸಗಟು ದರಗಳ ಚಲನೆಯಿಂದಾಗಿ ವಾರ್ಷಿಕ ಹಣದುಬ್ಬರ ದರವನ್ನು ನಿರ್ಧರಿಸಲಾಗುತ್ತಿದ್ದು ಕಳೆದ ವಾರ ಶೇ.10.68 ರಷ್ಟಾಗಿತ್ತು ಎಂದು ಹಣಕಾಸು ಸಚಿವಾಲಯದ ಅಧಿಕಾರಿಗಳು ತಿಳಿಸಿದ್ದಾರೆ.
ಸತತ ಐದು ವಾರಗಳ ನಿರಂತರ ಇಳಿಕೆಯನ್ನು ಕಂಡಿದ್ದ ಹಣದುಬ್ಬರ. ಪ್ರಸಕ್ತ ವಾರದ ಹಣದುಬ್ಬರದ ಏರಿಕೆಯಿಂದಾಗಿ ಉತ್ಪಾದನಾ ಕ್ಷೇತ್ರದ ವಸ್ತುಗಳ ದರ ಏರಿಕೆಗೆ ಕಾರಣವಾಗಲಿದೆ ಎಂದು ಮೂಲಗಳು ತಿಳಿಸಿವೆ.
ದ್ವಿಚಕ್ರವಾಹನ ಹಾಗೂ ಅಟೋರಿಕ್ಷಾ ಸೇರಿದಂತೆ ಅಟೋಮೊಬೈಲ್ ವಸ್ತುಗಳ ದರಗಳಲ್ಲಿ ಕಳೆದ ವಾರ ಹೆಚ್ಚಳವಾಗಿತ್ತು. ಸಿಮೆಂಟ್, ಸ್ಟೀಲ್ ಮತ್ತು ಇಂಧನ ದರಗಳಲ್ಲಿ ಯಾವುದೇ ಬದಲಾವಣೆಗಳಾಗಿಲ್ಲ ಎಂದು ವಿತ್ತ ಸಚಿವಾಲಯ ಸ್ಪಷ್ಟಪಡಿಸಿದೆ.
ಅಗಸ್ಟ್ 30ಕ್ಕೆ ವಾರಂತ್ಯಗೊಂಡಂತೆ ಶೇ.12.38ರಷ್ಟಿದ್ದ ಪರಿಶೋಧಿತ ಹಣದುಬ್ಬರ, ಕಳೆದ ವರ್ಷದ ಅಗಸ್ಟ್ ತಿಂಗಳಲ್ಲಿ ಶೇ.12.10 ರಷ್ಟಾಗಿತ್ತು ಎಂದು ವಿತ್ತ ಸಚಿವಾಲಯದ ಅಧಿಕಾರಿಗಳು ತಿಳಿಸಿದ್ದಾರೆ. | 
ಸಲಹೆ/ಪ್ರತಿಕ್ರಿಯೆ
ಮಿತ್ರನಿಗೆ ಕಳುಹಿಸಿ
ಈ ಪುಟ ಮುದ್ರಿಸಿ