ಇಂಗ್ಲೆಂಡ್ ಮೂಲದ ಎಚ್ಎಸ್ಬಿಸಿ ಹೋಲ್ಡಿಂಗ್ಸ್ ಕಂಪೆನಿ ಆರ್ಥಿಕವಾಗಿ ಭಾರಿ ಸಂಕಷ್ಟದ ಸ್ಥಿತಿಯನ್ನು ಎದುರಿಸುತ್ತಿರುವುದರಿಂದ 600 ನೌಕರರನ್ನು ವಜಾಗೊಳಿಸಲು ನಿರ್ಧರಿಸಿದೆ ಎಂದು ಅನಾಮಧೇಯ ಮೂಲಗಳು ತಿಳಿಸಿವೆ.
ಎಚ್ಎಸ್ಬಿಸಿ ಹೋಲ್ಡಿಂಗ್ಸ್ ಕಂಪೆನಿ 600 ನೌಕರರನ್ನು ವಜಾಗೊಳಿಸಲು ನಿರ್ಧರಿಸಿದೆ ಎನ್ನುವ ವರದಿಗಳನ್ನು ಕಂಪೆನಿಯ ವಕ್ತಾರ ಗರೆಟ್ ಹೆವೆಟ್ ನಿರಾಕರಿಸಿದ್ದಾರೆ.
ಹಾಂಗ್ಕಾಂಗ್ನ ಕೇಂದ್ರ ಕಚೇರಿಯಲ್ಲಿರುವ 100 ನೌಕರರನ್ನು ವಜಾಗೊಳಿಸುವುದು ಸೇರಿದಂತೆ ಸೆಪ್ಟೆಂಬರ್ ತಿಂಗಳಿನಲ್ಲಿ 1,100 ಅಥವಾ ಕಂಪೆನಿಯ ಶೇ.4ರಷ್ಟು ನೌಕರರನ್ನು ವಜಾಗೊಳಿಸಲಾಗುವುದು ಎಂದು ಹೇಳಿಕೆ ನೀಡಿತ್ತು ಎನ್ನಲಾಗಿದೆ.
ಸೋಮವಾರದಂದು ಅಮೆರಿಕದ ವಹಿವಾಟಿನ ಕುರಿತಂತೆ ಮೂರನೇ ತ್ರೈಮಾಸಿಕ ವರದಿಯನ್ನು ಬಿಡುಗಡೆ ಮಾಡಲು ನಿರ್ಧರಿಸಿದೆ ಎಂದು ಕಂಪೆನಿಯ ಮೂಲಗಳು ತಿಳಿಸಿವೆ. |