ಭಾರತೀಯ ರೈಲ್ವೆ ವಿಭಾಗ ಪ್ರಸಕ್ತ ವರ್ಷದ ಏಪ್ರಿಲ್ 1ರಿಂದ - ಅಕ್ಟೋಬರ್ 31ರ ವರೆಗಿನ ಅವಧಿಯ ಆದಾಯದಲ್ಲಿ ಶೇ.15.76ರಷ್ಟು ಹೆಚ್ಚಳವಾಗಿದೆ ಎಂದು ಮೂಲಗಳು ತಿಳಿಸಿವೆ.
ರೈಲ್ವೆ ವಕ್ತಾರರು ಮಾತನಾಡಿ ಕಳೆದ ವರ್ಷ 38,481.83 ಕೋಟಿ ರೂಪಾಯಿಗಳಿದ್ದ ಆದಾಯ, ಪ್ರಸಕ್ತ ವರ್ಷದಲ್ಲಿ ಏಪ್ರಿಲ್ನಿಂದ ಅಕ್ಟೋಬರ್ವರೆಗಿನ ಆದಾಯ 44,547.52 ಕೋಟಿ ರೂ.ಗಳಾಗಿವೆ ಎಂದು ಹೇಳಿದ್ದಾರೆ.
ಸರಕು ಸಾಗಾಣಿಕೆ ಆದಾಯ ಕಳೆದ ವರ್ಷ ಏಪ್ರಿಲ್ನಿಂದ ಅಕ್ಟೋಬರ್ ತಿಂಗಳವರೆಗೆ 25,688.18 ಕೋಟಿ ರೂ.ಗಳಿದ್ದ ಆದಾಯ, ಪ್ರಸಕ್ತ ಏಪ್ರಿಲ್ನಿಂದ ಅಕ್ಟೋಬರ್ ತಿಂಗಳವರೆಗೆ 30,151.97 ಕೋಟಿ ರೂಪಾಯಿಗಳಾಗಿದ್ದು, ಶೇ.17.38 ರಷ್ಟಾಗಿದೆ ಎಂದು ತಿಳಿಸಿದ್ದಾರೆ.
2008-09ರ ಆರ್ಥಿಕ ಸಾಲಿನ ವರ್ಷದ ಮೊದಲ ಏಳು ತಿಂಗಳಲ್ಲಿ ಪ್ರಯಾಣಿಕ ಆದಾಯ 12,575.05 ಕೋಟಿ ರೂಪಾಯಿಗಳಾಗಿದ್ದು, ಕಳೆದ ವರ್ಷ ಇದೇ ಸಮಯದಲ್ಲಿ 11,160.90 ಕೋಟಿ ರೂ.ಗಳಾಗಿತ್ತು ಎಂದು ರೈಲ್ವೆ ವಕ್ತಾರರು ವಿವರಣೆ ನೀಡಿದ್ದಾರೆ. |